• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

Huez a kita cachonan peligroso di nan doñonan, y multa nan 1000 florin

ORANJESTAD – Corte diabierna atardi a trata un caso interesante, cu a resulta den un decision di huez pa kita dos cacho peligroso di nan doñonan, y a multa nan cada uno 500 florin, como castigo pa no a actua como doño responsabel di nan respectivo cachonan. Ministerio Publico a informa diabierna cu a dicidi pa trece e caso dilanti mirando e embergadura y impacto cu esaki tin riba comunidad, unda cu e keho mas grandi na Aruba aworaki, ta molester di cachonan di caya na Aruba. 

ACUSACION

E fiscal en cuestion Stevens a acusa e dos sospechosonan J. Y J. Dijkhoff, morochonan di 19 aña di edad, di a viola por lo menos tres articulo di ley, di cual dos ta cay bou di ley di cacho y e otro ta segun buki di codigo penal infraccion. Como consecuencia di nan negligencia, esaki a resulta den daño na por lo menos 3 persona luna pasa, di cual dos ta turista. Ta trata mas specifico, atake di e dos cachonan contra e tres personanan en cuestion, resultado den herida serio a consecuencia di mordi di e cachonan. 

TURISTA vs PERSONA LOCAL

Mientras cu tur persona cu haya un incidente ta serio, den caso cu e sosode cu un turista, e tin su consecuencia mas grandi, mirando cu nos isla su economia ta basa netamente riba turismo. Y un incidente asina por tin su consecuencia dramaticamente. 

E CASO

E caso mes pa cual e dos hobenan ta wordo acusa, a sosode riba 19 di augustus ultimo na altura di e supermercado Chines ‘Noord Supermarket ‘na Bakval. Aki un cacho preto a ataca un turista, B. Smith, y morde na su pia. Despues e mesun cacho y otronan a ataca un señora riba bicicleta, y e mesun cacho preto a   morde e señora na su pia tambe. E otro victima tabata e persona K. Young, tambe un turista cu tabata cana banda di e supermercado. Aki dos cacho, un bruin y esun preto cada uno a coi un pia di e turista y morde. Mientras no a menciona e rasa di e cacho preto, mas sigur uno crioyo, esun bruin tabata un cacho crioyo rasa cu un fila. Na e occasion aki, polis a confisca tur dos cacho y a hiba nan pa e Centro di Control di Cacho na Wayaca, unda cu e cachonan ta kedando pa un luna caba. 

NO TA PROME BIAHA

Loke a haci e caso aki mas serio ainda segun huez Angela cu a trata e caso, y e fiscal Stevens, ta e hecho cu no ta prome biaha cu e cachonan aki ta causa problema manera e caso specifico aki. E huez a confronta e dos hobenan cu por lo menos 4 procesverbaal, indicado cu ya ta cuater caso a keda registra e aña aki den un tempo cortico, cu ta envolvi e mesun dos cachonan aki y nan doñonan.   

CULPABILIDAD

E hobennan a admiti nan culpabilidad dilanti huez. Nan a bisa cu normalmente e cachonan ta paden den cura (cerca di e supermercado), pero na e occasion aki a kibra e cura y porta di palo y sali pafo. Inicialmente nan a bisa cu ta prome biaha cu esaki a sosode, pero despues mester a admiti cu no ta prome biaha. Ta for di mei cu tin keho oficial raporta pa e cachonan agresivo aki, cu ta ataca hende riba caya. Ademas a resulta cu awor nan tin un cura, aunke no bon, y cu e otro biahanan e cas no tabatin cura mes. 

FISCAL

Fiscal e momento ey a scual e dos hobenan, y cuestiona nan falta di responsabilidad pa cu nan cacho. “Boso ta stima cacho? Pakico boso no tin un cura drechi?”, e fiscal a puntra. “Ora cu bo tin un cacho, bo mester mustra responsabilidad pe” e la sigui bisa. Loke mas a stroba e fiscal ta e hecho cu for di e momento cu e cachonan a keda confisca, e dos hobenan no a haci ningun intento pa recobra nan cachonan. “Mi no a haya ningun yamada, boso no a reclama e cachonan mes. Mi no ta mira indicacion cu boso ta gusta (boso) cacho!”. E la reclama e hobenan cu nan no a percura pa un cura drechi. Tambe cu si nan no sa cu bo por train cacho pa p.e nan no sali for di cura. E hobenan a reacciona cu ora cu nan no ta na cas, e cachonan ta haci loke nan kier, y esey ta inclui bay pafo di cura. “Boso kier boso cachonan bek si?”, E fiscal a puntra e dos hobenan. Mientras cu na comienso nan a bisa, si, na final na a indica cu no. 

PROBLEMA SERIO NA ARUBA

E fiscal a splica cu a dicidi di kita e cachonan di e doñonan, y cu ta keda na huez kico ta pasa cu e cachonan. Pero e la haya e paso ey necesario, mirando e problema grandi cu esaki ta na Aruba. “Esaki ta e molester number uno na Aruba” e fiscal a bisa. Esta cachonan cu ta cana los riba caya. E la duna ehempel conoci di kico tur ta pasa ora cu tin cacho riba caya, manera molester pa ciclista, peaton y automobilistanan cu tin cu desvia constantemente pa cacho, y cu e caso particular aki, ta un ehempel perfecto pa ilustra e seriedad di e problema na Aruba. E caso aki tabata uno serio segun e fiscal, unda cu no un sino 3 diferente persona a wordo ataca y mordi, di cual dos ta turista. E fiscal a sigui scual e doñonan y a indica cu e doñonan por a tuma suficiente medida, pa evita cu e cos aki lo por a pasa, despues di e cantidad di otro biaha cu e la sosode. Entre nan, por a cera nan den un kennel, bisti nan un bosal, drecha e cura di tal forma cu nan no por sali mas, busca training pa nan etc. A resulta cu ambos no ta bayendo scol, ta dropouts, no tin trabou y no tin entrada. Tur esaki mientras cu nan tin cacho, mester cumpra cuminda pa e cachonan, drecha cura pa e cachonan, y tur esaki ta costa placa. Esey a pone e fiscal rabia mas ainda. Pa aworaki, a ordena pa e cachonan keda na CCC, pendiente e decision di huez. Ademas e la multa cada hoben 1000 florin cada uno y cu si nan no paga, nan tin cu bay cera 20 dia den prizon. Ademas, cu ta prohibi pa e doñonan haya nan cacho bek. E fiscal a bisa cu mester manda un señal pa doñonan di cacho y comunidad en general cu esaki no por continua. 

SENTENCIA

Huez a dicidi pa dicta sentencia mesora y mientras a bay di acuerdo cu e demandainicial di Fiscal, mester a adapta esaki. Segun huez, mester tene cuenta cu e situacion di e doñonan esta nan capacidad di carga, awor cu a resulta cu nan no tin entrada fijo etc, y como tal a reduci e multa na mitar, esta a pone un multa di 500 pa cada persona y cu e doñonan ta perde derecho pa tin e cachonan aki. Ta keda awor na CCC pa sea reubica e cachonan aki, y si esey no ta posibel, tin cu pone e cachonan drumi. E doñonan tin 14 dia pa apela e sentencia.