- Pa 2025 tin plach’i number nobo y un color diferente!
- Delegacion di ahedres di Aruba ta competiendo na Olimpiada Mundial di Ahedres na Hungria
- Wever-Croes: Aunke demisionario, lo termina proyectonan na San Nicolas
- Ainda sin Messi, campeon mundial Argentina y Brasil tambe ta sigui perde
- Polis a detene homber di Corsou na aeropuerto cu cocaine
Telefon pa Hubentud: I Stopped It, Committed to stop Violence!
(VIDEO ADVERTORIAL)
ORANJESTAD - Segun datosnan local violencia relacional na Aruba a aumenta drasticamente. Violencia relacional ta violencia unda un persona ta herida of ta haci daño na un persona cu ta su famia, ta den un relacion amoroso of ta amistad di dje. Violencia relacional por ta violencia fisico, sexual, emocional, psicologico, verbal, agresion of menasa. Violencia relacional ta haci mas daño cu nos wowonan por mira.
Pa reduci violencia den nos comunidad, Fundacion Telefon pa Hubentud Aruba conhuntamente cu HIAS Aruba a desaroya e proyecto: I Stopped It.
I Stopped It ta un proyecto preventivo cu ta trata di reduci violencia bao di mucha, hoben y adulto. For di februari te cu juni di e aña aki muchanan den 8 scol basico den klas 4, 5, y 6 a ricibi I Stopped It. Durante 4 sesion a ricibi informacion tocante Violencia relacional, Violencia relaciona cu genero y Masculinidad saludabel. E muchanan a termina I Stopped It comprometiendo di lo contribui pa stop violencia na scol, na cas y den nos comunidad.
Despues di e muchanan, ta toca turno awor na e hoben y adulto pa ricibi I Stopped It. Pa medio di 3 video lo comparti informacion cu comunidad tocante Violencia relacional, Violencia relaciona cu genero y Masculinidad saludabel.
Aki nos ta comparti e prome video cu ta informa tocante violencia relacional.
I Stopped It ta ser financia door di Gobierno di Estados Unidos.
Pa mas informacion tocante di I Stopped It por tuma contacto cu Fundacion Telefon pa Hubentud Aruba via nos facebook: https://www.facebook.com/telefon.hubentud/, email: [email protected] of telefon 5886138/ 5884011.
ELMAR ta introduci CONTACTO CU BARIO
Analisis: Hopi atrobe den politica
DEA: Por inscribe awor pa pa Landsexamen 2025
DEA: Tin un siman mas pa entrega documentonan pa ricibi termijnbetaling Arubalening
Otro siman douane ta haya ‘handheld scanners pa miho control
ORANJESTAD- Den cuadro di Landspakket, en particular e parti di e plan “Versterking Grenstoezicht” entre departamentonan ehecutivo di gobierno, Departamento di Aduana lo haya/ricibi handheld scanners di marka Videray. E handheld scanners tin como proposito pa facilita personal di Aduana den nan trabounan di control na diferente seccion. Aduana ta agradecido pa e teamwork aki hunto cu pais Hulanda cu ta contribui hunto na e meta di reenforsa e control di nos frontera.
DVG ta clarifica: EXPO Promove Salud y Bienestar 2024 ta otro cu e expo SALUD
ORANJESTAD – Departamento di Salud diahuebs a haye ta clarifica un bruhacion cu tin pa e hecho cu tin 2 expo tumando lugar tras di otro cu por ta confuse. Segun DVG, anualmente Departamento di Salud Publico conhuntamente cu Plataforma Promocion di Salud representa pa SVB, AZV, HAVA, POH, IBiSA, HLC, HOH, y FADA ta organisa “EXPO Promove Salud y Bienestar”. E aña aki no ta exepcion, na e momentonan aki tur preparacion ta tumando lugar pa organisa nan EXPO pa aña 2024 riba diadomingo 13 di oktober den Renaissance Convencion Center.
Follow NoticiaCla
