Na Corsou Corte ta impone 25.000 florin riba gobierno pa incumplimento di veredicto

WILLEMSTAD – Ámtenar ta hiba Gobièrnu dilanti, pa motibu ku no a kumpli ku veredikto di Korte, kaminda ku Gobièrnu denter di 6 siman despues di e veredikto, mester manda e petishon aki pa  Minister di Hustisia, kumpli ku e petishon di e ámtenar fechá 25 di yanüari 2021 pa nombr’é den e posishon di  nombra e ámtenar den “Teamleider”

Dia 23 di mei 2022 tabatin un veredikto di Korte di hurisdikshon sivil, kaminda ku korte a ordená Gobièrnu pa nombra e ámtenar den e posishon di “Teamleider”. Esaki denter di 6 siman despues di e fecha di e veredikto di mei 2022.

Despues di nèt un aña ku gobièrnu no a kumpli ku e veredikto di Korte, e ámtenar a entamá un otro kaso hudisial pa obligá gobièrnu tuma tal desishon, esta nombr’é komo tal.

Djabierne tras di lomba Korte ta dikta sentensia i a imponé un multa di 250 florin pa kada dia ku gobièrnu no kumpli ku e veredikto te ku un máksimo di 25.000 florin.

Esaki pa motibu ku despues di un aña gobièrnu no a respetá e veredikto di korte i na di dos lugá, ora ku e ámtenar a entamá e kaso hudisial aki, nan no a presentá den korte.

Konsekuentemente Gobièrnu ta keda deklará komo e partido ku a pèrdè e kaso i banda di e echo ku korte a imponé un multa di 250 florin pa kada dia ku nan no kumpli te un máksimo di 25.000 florin, nan tin di paga tur e gastunan di proseso hudisial di 3.300 florin. NOTA: Texto ta scirbi den Papiamento fonetico di Corsou.