Parlamentarionan Mansur y Santos Do Nascimento ta entrega carta na Gobernador riba RAFt

ORANJESTAD - Parlamentario Miguel Mansur (ACCION21)  hunto cu Parlamentario independiente Ryçond Santos Do Nascimento lo entrega un carta na Gobernador di Aruba Alfonso Boekhoudt tocante e ley di Reino di supervision financiero RAFt dialuna mainta. E intencion ta pa despues nan tene un conferencia di prensa pa duna mas informacion riba e tema. Ta conoci cu nan ta pro RAFt y kier comparti nan pensamento riba esaki na Gobernador. Alabez pa e pasa e mensahe pa Hulanda obviamente. E carta cu nan lo entrega mayan lo bay cu copia pa e.o. sra. Hanke Brins Slot, Minister van Binnenlandse Zaken en Koninkrijkrelaties, sra. Alexandra van Huffelen, Staatssecretaris Koninkrijkrelaties en Digitalisering , sra. Wieke Paulusma, ondervoorzitter Commissie Koninkrijkrelaties Tweede Kamer, sr. Paul Rosenmoller, voorzitter Commissie Koninkrijkrelaties Eerste Kamer, sra. Evenlyn Wever- Croes, minister-president di Aruba y  sr. Edgard Vrolijk, voorzitter Parlamento di Aruba