Schwengle: Linea di contacto corto entre Aruba y Hulanda ta esencial

DEN HAAG – Minister Plenipotenciario Mildred Schwengle a haci un bishita oficial di cortesia na minister Tom Berendsen, cu durante cual ambos a papia tocante cooperacion dentro di Reino.

Schwengle a califica e encuentro como positivo y a enfatisa cu, den e situacion geopolitico actual, ta importante pa Aruba y Hulanda mantene un cooperacion fuerte y directo.

Segun e minister, un punto esencial ta cu e linea di contacto entre Aruba y Hulanda keda corto, pa asina por comunica y coordina lihe ora ta necesario.

E reunion a sirbi tambe pa reafirma importancia di bon relacionnan dentro di Reino y di tene canalnan di comunicacion habri entre ambos banda.

Potret cortesía di Gabinete di Aruba.