Homber desconoci a bula for di Eiffel toren cu parachute

PARIS – Un homber diahuebs mainta na Paris a bula for di Eifel Toren cu un parachute. Esaki a sosode prome cu e toren a habri oficialmente. Aunke cu seguridad a nota e homber liher, toch e la logra yega te e piso mas halto y bula bin abou. Despues cu e la aterisa, polis a detene mesora pa motibo cu e la trece bida di otro hende na peliger. E apertura di e toren a keda posponi debi na e incidente aki. Esaki ta añadi na e cantidad otro di incidentenan rond di e toren aki e siman aki. E siman aki tabatin dos Mericano burachi haya riba piso 3 y 2 di e edificio. Siman pasa mester a evacua hende di e toren dos biaha pa motibo di alarma di bom cu a resulta falso ambos biaha. Pa loke ta e identidad di e parachutista, esaki no a bira conoci.