Joran vd Sloot purbando di traha deal cu autoridad Mericano pa sentencia reduci

ALABAMA – Merca ta trahando riba un acuerdo cu e detenido Arubiano cera den prizon na Alabama, Joran van der Sloot, a cambio di un confesion riba e loke a sosode cu e muher Mericano Joran vd Sloot. E portal Hulandes Telegraaf a manda un di su periodistanan Merca pa por a haci e entrevista cu vd Sloot, cu a splica e situacion. Hopi no ta kere e storia mirando cu vd Sloot ta conoci como un mentiroso patalogico. Vd Sloot lo kier un deal pa reduci su castigo di prizon, a cambio di su declaracion. Mirando su ‘track record’ autoridad Mericano kier haci un prueba di mentira (lie detector test) pa wak su estado y si e ta apto pa por papia berdad. Vd Sloot ta na Merca pa defende su curpa contra acusacion contra dje pa estafa y fraude cu placa ricibi di e famia Holloway a cambio di informacion di e dama perdi. Informacion cu nunca e la duna, mientras cu e la ricibi si e parti di e placa. 

ACUERDO MERICANO

Pa loke ta e deal cu Merca mes, Vd Sloot no por bisa nada, pero a papia mas bien riba su situaciona actual den e prizon na Alabama. Pa straño cu por zona, vd Sloot ta prefera e prizon na Peru, debi cu e tin mas ‘libertad’ eynan y ta menos isola. E la keha cu na Merca e prizon ta calor, compara cu esun friu na Peru. E ta isola debi na peliger contra su bida, ya cu e ta un persona hopi odia na Merca. 

 .