Entrevista cu dos Arubiano na Hulanda durante zomercarnaval a bay viral

ROTTERDAM – Entrevista cu dos Arubiano durante zomercarnaval na Rotterdam diasabra a bay viral. Esaki pa e forma con e dos Arubianonan a contesta e periodista na nan Hulandes kibra. Dado momento un di e hombernan ta contesta ‘Wie komt met die ley”, riba e pregunta kico ta pensa riba e regla nobo contra ‘meamento’ of twerking durante parada. E otro ta splica cu e ta ‘vrijgezellig’, cu por wordo interpreta den varios forma, esta cu e ta soltero, osea vrijgezel, of cu e ta pasando basta dushi, osea vrij gezellig. Pero e forma con e la bise, ta mustra como si fuera e tabata kier men, soltero. Con cu sea, e entrevista den e forma cu e la tuma lugar, a hala hopi atencion unda cu hopi tabata hari e Papiamento kibra, otronan tabata papia di berguenza con Arubianonan ta papia Hulandes. E echo ta cu e video a wordo hopi mira mes den fin di siman y cu ta mustra cu Arubianonan eynan a pasa bon. Los di e hecho cu tabatin tiroteo durante e evento cu a pone cu ta evaluando si tin cu sigui tene e evento of no.