Polis a cera area completo di Bushiribana (Goldmine) pa investiga caso di homber morto

ORANJESTAD – Polis a cera e area di Bushiribana completamente diaranson mainta pa investiga un caso lamentable unda cu un homber hoben a wordo haya sin bida. Segun vocero suplente di polis Liliana Rasmijn, den careda di 6’or awe mainta un homber cu tabata cana na Bushiribana, a bin topa un auto cu un homber jong banda di dje, cu lo no tabata duna señal di bida. Ainda no a identifica e homber y tampoco e motibo di morto di e persona aki. Segun sra Rasmijn, no por papia di un caso di suicidio of asesinato ainda pero cu si tin marca riba su curpa. Polis y personal technico ta trahando riba e caso y a cera henter e area pa por haci nan trabou. Esaki kier men cu e area popular pa turista y tour eybanda, tabata completamente cera awe mainta. E homber a wordo haya banda di un SUV Honda blanco    A-29838, cu ta riba nomber di un dama, y pues no riba nomber di e homber. Potret ta cortesia di www.takethatvacation.com