Minister Yesilgöz no sa ainda si e kier reemplasa Rutte como lider di VVD

DEN HAAG – Minister Hulandes di Husticia Dilan Yesilgöz (VVD) a bisa diamars cu e no sa ainda si e kier reemplasa Mark Rutte como lider politico di e partido VVD. “Riba esey mi no tin contesta” e minister a bisa prensa. “Ta pasonan grandi, pues mester evalua esaki hopi bon” e la sigui bisa. Yesilgöz ta wordo hopi biaha menciona como e reemplasante di Rutte pa lider ae partido. “Esey ta un honor” e la bisa. E directiva di partido ta planea pa e siman aki propone un cantidato di preferencia, aunke cu awor tin un candidato cu a presenta, Andre Bosman, cu ta obliga e partido pa tene un eleccion interno conforme e statutonan di e partido.