Wever-Croes: Caida di gabinete Rutte 4 no ta cambia nada pa Aruba por lo pronto

ORANJESTAD – “Pa cu Aruba, nada lo cambia por lo pronto” tabata e reaccion di prome minister Evelyn Wever na noticiacla diabierna atardi riba e caida di gabinete Rutte 4. “ Mi a tuma nota di e informacion cu gobierno Hulandes a cai. Mi a tuma contacto cu Premier Rutte y pa desea forsa” e mandatario a sigui bisa. E tema cu a tene e partidonan den coalicion dividi ta e tema di asilo, cu ta un tema hopi dificil y delicado. “Un reto cu nos tambe conoce aki na Aruba. Mi ta desea e gobierno demisionario forsa pa atende e retonan di gobernacion y cu e campanja electoral”. 

NADA TA CAMBIA PA ARUBA POR LO PRONTO

Pa cu Aruba, nada lo cambia por lo pronto, e mandatario a sigui bisa noticiacla. “ Nos tabata tin un bon reunion cu secretario di estado van Huffelen e siman aki y nos lo sigui na mesa pa negocia e refinanciamento di e debe di Covid. Nos lo sigui e desaroynan na Hulanda di cerca” e mandatario a finalisa bisando.