Premier Rutte a entrega retiro di su gabinete completo na Rey

DEN HAAG – Premier Hulandes Mark Rutte a informa diabierna anochi cu e la entrega retiro di su gabinete na Rey Willem Alexander y a informe di e situacion. E gabinete lo sigui awor como uno demisionario y lo sigui traha riba temanan cu ta andando manera e guera di Rusia y Ucraina y otro asuntonan di importancia. A mustra cu e caida di gabinete no ta algo bon nunca pero cu ta e 4 partidonan di coalicion hunto a dicidi pa yega na e conclusion y no ta un partido of e ta esun responsabel solamente. 

FUTURO DI RUTTE

Rutte a sigura cu si puntre awor, e lo kier sigui lidera e partido VVD pero ta mucho tempran y e mester pensa esaki y duna chens na e partido pa dicidi esaki. Si e kier sigui forma un di cinco gabinete Rutte ta mucho tempran, e mandatario a bisa. No tin un fecha ainda official pa e eleccion, pero no ta asina tampoco cu lo purba di pega e gabinete bek cu otro partido. Lo tin un eleccion nobo y ta premira cu esaki lo bira den mitar di November mas sigur, mirando cu tin cu tene cuenta cu tin vacantie awor di zomer y tambe tin un vacantie na October.