Corte a para trabou di Embassy Suites pa traha beach, sino tin multa di mei miyon

PALM BEACH – Huez den un medida preliminar diabierna, a ordena e compania cu ta representa e hotel Embassy Suites, esta Natura Development pa para tur trabou na e beach dilanti e hotel pa traha y drecha e beach eynan, te proximo aviso. E medida ta te ora cu corte dicta un sentencia den un caso sumario cu, manera cu Noticiacla a raporta mas prome awe, minister di Naturalesa Ursell Arends y Aruba Birdlife Conservation (ABC) a inicia contra Natura Development. Tanto e minister como ABC, tabata contra di e forma con e compania tabata maneha e proyecto y mas concreto, tabata trata e matanan y otro cosnan durante e trabou di drecha e beach. Un potret di un caterpillar sacando mata sin mas for di e laman, a indigna esnan cu tabata protestando. 

ENTAMA CASO

Awe mainta caba, e portal aki a raporta cu Ministerio di Naturalesa (Directie Natuur en Milieu) ta hiba e hotel Embassy Suites y su propietarionan Natura Development corte pa trece claridad den e disputa cu tin cu doñonan di e hotel, pa loke ta e asunto di beach. Asina minister di Naturalesa Ursell Arends a confirma pa Noticiacla.com diabierna mainta. Segun e mandatario, den e caso di e aanlegvergunning, e la constata elementonan structural cu no ta bayendo den forma corecto pa un miho balansa di naturalesa y economia/ turismo y den e caso aki aanleg di beach. “ Partidonan ta diferencia den opinion den e comprendimento of percepion di leynan, procesonan y condicion y procesonan di otorgamento di vergunningnan relata na situacionnan di casonan asina manera construccion di beach cu forza humano” e mandatario a bisa. E hotel den otro medio a reacciona bisando e siman aki cu nan ta pensa diferente y ta sigura cu nan tin tur documento necesario pa haci nan trabou pa e.o. drecha e beach dilanti e propiedad.  

BAY CORTE

E mandatario a bisa e portal aki cu pa e motibo aki ministerio di naturalesa ta desea hues su opinion riba esaki. Cu esaki e ta  confirma cu esey ta nifica cu lo hiba Embassy Suites corte pa asina laga huez duna su interpretacion riba e asunto. “Den e proceso aki nos ta. Asina nos tin mas informacion mi lo comunica debidamente cu NoticiaCla.Pa awo mi no por divulga mas informacion” e mandatario a sigui bisa. 

PENSAMENTO

Aunke e mandatario no kier a divulga mas, e la bisa si cu e kier a laga e pensamento aki atras, esta cu segun e mandatario, ta ora pa nos realisa cu nos economia ta depende completamente di naturalesa

BAY CORTE

E mandatario a bisa e portal aki cu pa e motibo aki ministerio di naturalesa ta desea hues su opinion riba esaki. Cu esaki e ta  confirma cu esey ta nifica cu lo hiba Embassy Suites corte pa asina laga huez duna su interpretacion riba e asunto. “Den e proceso aki nos ta. Asina nos tin mas informacion mi lo comunica debidamente cu NoticiaCla.Pa awo mi no por divulga mas informacion” e mandatario a sigui bisa. 

PENSAMENTO

Aunke e mandatario no kier a divulga mas, e la bisa si cu e kier a laga e pensamento aki atras, esta cu segun e mandatario, ta ora pa nos realisa cu nos economia ta depende completamente di naturalesa. ‘Nos economia ta naturalesa!”