Hilton Aruba Caribbean Resort den e miho 10 hotelnan Hilton na mundo

ORANJESTAD – Hilton Aruba Caribbean Resort ta figura den e top 10 miho di e cadena rond mundo. Esaki segun un lista cu Hilton a publica e siman aki segun e porta the travel.com.  Specificamente, e Hilton aki ta figura na number 5, prome cu Hilton Conrad na Dublin, y despues di Hilton Mexico Reforma. Si tene na cuenta cu tin mas di 7 mil hotel Hilton cu 19 marca di Hilton distinto den 120 pais, mester considera esaki sigur como un elogio grandi. E seleccion ta a base di e servicio di e hotel y su amenidad, y ta prioriza e localidad rpma cu 8+ rating, sigurando un experiencia positivo di e bishitante.  E lista completo ta cuminsa cu Hilton Moorea Lagoon Resort & Spa na Polinesia Frances, Double Tree Fallsview Resort na Niagara Falls, Hilton Queenstown Resort y Spa, Hilton Mexico City Reforma, Hilton Aruba Caribbean Resort & Casino, Conrad Dublin, Zemi Beach House, Waldorf Astoria Beverly Hills, Hilton Tokyo Bay, y Waldorf Astoria Maldives Ithaafushi.