- Oduber: Cifranan di AAA ta indica cu tin un demanda fuerte pa Aruba
- Carchi ta cabando pa wak comediante Marko en bibo na Aruba
- Veld nobo di stadion Guillermo Prospero Trinidad ta wordo evalua awor
- Pelotero Yiu di Corsou Kenley Jansen tin su mes music label: ‘KJ74 Entertainment’
- Hasta den restante di wega suspendi, Feyenoord ta superior riba Ajax y ta gana 4-0 na Hulanda
Gobernador Boekhoudt ta ricibi e di 3 edicion di buki di pret
ORANJESTAD - Diahuebs 8 di juni 2023, Gobernador di Aruba Alfonso Boekhoudt a ricibi e tercer (3) edicion di e ‘BUKI DI PRET ARUBA’ na e scol basico Colegio Laura Wernet-Paskel. Gobernador Boekhoudt ta haya cu ta importante cu ta existi iniciativanan manera Buki di Pret y pesey el a acepta e buki cu hopi entusiasmo. Haciendo esaki, gobernador a expresa su mes bisando: "E ta un buki hopi bunita, yen di actividad. Mi tambe lo tin un bunita actividad di cana den nos naturaleza y e ta poni den e buki. Ta necesario si pa reserva trempan, paso no ta henter mundo mi por hiba cumi. Mi ta invita tur hende pa comparti hunto cumi, e amor pa naturalesa".
E CANTIDAD DI ACTIVIDADNAN A WORDO REDOBLA COMPARA CU E EDICION 2022
Buki di Pret ta un buki gratis, yen di actividadnan y ofertanan divertido, sorprendente y educativo, valido durante di vakantie grandi, specialmente pa e muchanan di scolnan basico di Aruba. E aña aki, tin 80 actividadnan y diferente ofertanan pa escoge. Mayoria di e actividadnan ta wordo ofreci diferente biaha durante vakantie grandi. Pa loke ta e actividadnan, e kalender di actividad ta indica cu tin un total di mas cu 200 actividadnan divertido. Esaki ta significa cu e actividadnan a wordo redobla compara cu aña pasa.
HACI ACTIVIDADNAN POSIBEL Y DESCUBRI TALENTONAN
E meta tras di e fundacion non-profit, ta pa brinda na muchanan entre 6 y 13 aña, cu ta biba na Aruba, un vakanti grandi divertido y estupendo. E buki ta ofrece un variedad grandi di actividadnan: for di actividadnan deportivo y relaha te cu actividadnan creativo y educativo. Tambe tin actividadnan cu animales y ofertanan di cumindanan dushi y tambe soft.
E iniciadonan ta spera cu e buki lo anima muchanan y nan mayornan pa descubri hopi actividadnan divertido cu Aruba ta ofrece y stimula mucha pa descubri nan interesnan y talentonan. Danki na e buki aki, yena cu actividadnan y ofertanan accesibel, cu tin biaha hasta ta gratis, esaki ta posibel pa tur mucha, independientemente di nan situacion economico! For di dia 8 te cu día 16 di juni 2023, e ekipo di voluntario lo bishita e scolnan basico pa entrega e “Buki di Pret”, na casi 9.000 mucha di e klasnan 1 te cu 6 (di 6 pa 13 aña).
SOSTENI PA E ORGANIZACIONNAN Y ASOCIACIONNAN LOCAL
A haci pregunta na negoshantenan, organisacionnan, fundacionnan y asociacionnan di Aruba si nan kier a participa y inventa y organisa actividadnan atractivo y accesibel pa tur mucha. Banda di e organisacionan activo, Buki di Pret tambe ta ricibi e apoyo di diferente patrocinadonan.
Fundacion Buki di Pret ta gradici un y tur cu a yuda pa realisa e “Buki di Pret”. Organisacionan cu ta interesa pa nan tambe contribui na e Buki di Pret, por bin den contacto cu e iniciadonan via di [email protected] Pa mas informacion tokante e Buki di Pret, consulta e website www.bukidipretaruba.com y facebook.com/bukidipretaruba.
Carchi ta cabando pa wak comediante Marko en bibo na Aruba
Stimami Sterilisami a recauda mas di 40 mil florin pa campaña di sterilisacion
ORANJESTAD - Na su di dos Summer Sidewalk Sale anual Fundashon Stimami Sterilisami a recauda 45,000 Florin, superando e total di aña pasa cu 10,000 Florin. Cada florin recauda lo wordo usa directamente pa cubri e proceduranan di sterilisacion di cacho y pushi bou di e programa nacional di sterilisacion di Stimami Sterilisami, cu a sterilisa mas di 34,000 mascota.
Bucuti & Tara Beach Resort a Celebra Housekeeping Week cu Premionan y Reconocementonan Special
MUSICA: Registracion pa e Prefinals di ACSM2024 ta canando segun expectativa
ORANJESTAD – E registracion pa e Prefinals di ACSM2024 ta canando segun expectativa. Asina Stichting Musica a bisa. Un di e metanan cardinal di Stichting Musica ta pa inova y mehora tur aspecto relata na e organisacion di e festival musical “Aruba Caiso & Soca Monarch” (ACSM). Esaki ta inclui e forma di comunica cu musiconan, cualnan ta e curason di e festival.
Jeon a lansa su cancion cu video clip mas recien ‘Miss Dior’, graba na Hulanda
ORANJESTAD – Recientemente e cantante internacional pero yiu di tera Jonathan Thiel, conoci como Jeon, a lansa su cancion di mas recien cu a wordo graba na Hulanda - "Miss Dior". Den Jeon su ultimo summer tour, Jeon a traha cu diferente artista, productor y musico. Diferente oportunidad a presenta y un di nan tabata pa graba riba un rooftop cu full un setup live Sigur esaki tabata un experiencia magico pa cada persona presente, presentando e cancion di "Miss Dior" en bibo cu un view espectacular! produccion aki . Por spera hopi mas produccion y proyectonan di Jeon na caminda. Pa wak e video clip, click AKI.
Jeon a divulga den Noticiacla LIVE kico ta su deseo di mas grandi!
ORANJESTAD – Cantante internacional di Aruba ‘Jeon’ su deseo mas grandi ta pa e por presenta durante e show di halftime di Superbowl na Merca. Asina e artista orguyo di Aruba a bisa e periodista Tito Laclé den e programa Noticiacla LIVE diahuebs anochi. Mientras cu Jeon a toca p.e. dilanti un publico di 80 mil hende na Texas, a toca por lo menos 4 biaha den Maddison Square Garden na New York, presenta durante e halftime di e wega mas grandi deportivo di Merca, e final di futbol Mericano, esta Superbowl e lo considera su logro di mas grandi. Pero e kier haci esaki su so, como Jeon. E ta cla pa cuminsa traha riba su mes aworaki, aunke cu e la colabora y yuda cu varios artista grandi, cuminsando cu J Balvin cu a dun’e su break grandi, y e la traha cu otro artistanan manera Nicky Jam y mas. Pa wak e entrevista completo, click AKI.
Follow NoticiaCla
