E aeroliña SKY ta cla pa cuminsa bula pa Aruba for di Peru

LIMA – E aeroliña di costo abou, SKY ta cla pa cuminsa bula pa Aruba, for di capital Peruano Lima. Asina e porta aeronaves ta anuncia, citando na su turno oficina di turismo di Aruba. Ta prome biaha cu Aruba ta conta cu un aeroliña asina for di e destinacion Lima.  Actualmente Avianca y Copa Airlines ta e companianan principal cu ta biaha pa Sur America di costo abou. Tambe tin Wingo desde Colombia,. Chile ta e di 4 mercado di turismo latino pa Aruba. Segun e portal ta cita ATA, indicando cu e ta representa 8% di e mercado. Den e region, Colombia ta e porme pais Latino Americano cu ta genera turista pa Aruba. Cu SKY, ta spera cu e cantidad di pasahero ta aumenta for di Peru, pero tambe di Chile. Copa aworaki tin 60% di e mercado, y Avianca 32% segun Jordan Schlipken Croes di ATA Latino Americano, e portal latino ta sigui bisa.