- Departamento di Progreso Laboral (DPL) cu campaña pa entrega Formulario AMR 2023 den luna di Juni 2023
- Directie Financiën ta informa di e condicionan ora di trata cu cobransa pa instancianan di Gobierno
- Foyeto Abo ta bay studia dentro di poco na Hulanda – con pa registra den BRP
- DUCAPRO a presenta un plan pa promove e industria creativo y proteha e artistanan
- E prome barco di fruta y berdura di Venezuela ta yega Aruba dialuna awor
Edison Rijna ta baha como gezaghebber di Boneiro y ta bira representante special
DEN HAAG - Sekretario di Estado Van Huffelen di Asuntu Interno i Relashon den Reino a nombra sr. E.E. (Edison) Rijna komo representante spesial na Hulanda Karibense pa fondonan di Union Europeo, Fondonan di Nashonnan Uni i asuntunan ekonómiko pa loke ta trata Latino Amérika. Sr. Rijna ta kuminsá dia 18 aprel 2023 den su funshon nobo i na mes momentu lo baha komo gezaghèber di Entidat Públiko Boneiru.
Ku su nombramentu komo representante spesial den e añanan binidero e gezaghèber aktual di Boneiru lo enfoká entre otro riba mihó akseso na fondonan di Union Europeo (EU) i Nashonnan Uni (VN) pa e islanan di Hulanda Karibense (Boneiru, Saba i Sint Eustatius). E lo sòru di mantené kontakto ku komishon Europeo na Bruselas i organisashonnan afiliá na VN ku ta relevante pa Hulanda Karibense. Aki e lo identifiká proyektonan ku lo brinda oportunidat nobo na nos islanan.
Banda di esei komo representante spesial pa relashon ekonómiko pa Latino Amérika e lo guia mishonnan ekonómiko pa i di Latino Amérika i Amérika Sentral. Meta di e mishonnan aki lo ta pa duna kompania i otro organisashonnan di Hulanda Karibense mihó akseso na merkadonan den serkania i pa lanta interes serka paisnan den bisindario pa invertí i hasi negoshi na Hulanda Karibense. Un volúmen mas grandi di hasi negoshi i invertí ta yuda fortalesa ekonomia di e islanan.
Sekretario di estado van Huffelen ta entusiasmá ku e nombramentu: “Mi ta hopi kontentu ku sr. Rijna a aseptá e reto aki. Ku su vários añanan di eksperensia komo gezaghèber i ku un ret internashonal amplio den region, mi ta konvensí ku komo representante spesial e por ta di gran nifikashon pa e islanan i Hulanda. Den su ròl nobo e por duna un aporte importante na akseso na fondonan di EU i VN, oumentá prosperidat i amplia e base ekonómiko. Nos ta gradesido pa sr. Rijna su gran esfuerso hasí komo gezaghèber di Boneiru.”
Sr. Rijna ta gezaghèber for di 2014. Na 2020 a bolbe nombré pa un periodo di 6 aña komo gezaghèber. Pa mas ku un aña kaba e ta alabes Territorial Authorized Officer (TAO) pa Boneiru na Union Europeo: “Den mi ròl di representante spesial mi por eksplorá posibilidatnan nobo pa Boneiru, Saba i Sint Eustatius pa koperashon internashonal. Dor di nos relashon ku EU, tin hopi oportunidat ku nos por probechá di dje. Esaki ta konta tambe pa algun organisashon ku ta kai bou di Nashon Uni ku por nifiká hopi pa nos islanan. Mi ta kontentu di por bai traha riba relashonnan fruktífero ku vários partido enbolbí. ”
E nombramentu aki ta drenta na vigor riba 18 di aprel 2023. For di e momentu ei sr. Nolly Oleana lo fungi komo gezaghebber interino te na momentu ku terminá e proseso di solisitut pa un gezaghebber nobo. NOTA: E texto ta scirbi den Papiamento fonetico di Corsou.
Segun Guarda Costa di Venezuela na 2022, 48 persona a muri purbando di yega islanan ABC
CARACAS – Segun Guardia Costera di Venezuela, na 2022 un total di 48 persona a muri purbando di yega islanan ABC. Asina e portal La Patilla ta raporta. E cifra a keda suministra den e informe anual di e institucion, entrega na Parlamento di Hulanda, via minister Hulandes di defensa Kasja Ollogren. Segun e documento, un 11 persona mas ainda ta registra como ‘desapareci’. E documento no ta specifica e nacionalidad di e personanan aki. Entre Januari y December 2022, Guardacosta a detene 170 persona cu tabata purba yega e islanan di un forma iregular, sin documentacion cu por a permiti nan keda. Tambe ta mustra cu e trafico of contrabanda di persona a aumenta na 2022 compara cu e añanan anterior, ora cu a relaha e control implanta pa asina impedi e extencion di Covid19. “E cantidad di migrante indocumenta haya pa Guarda Costa tabata mas cu na 2021. Como tal e ministerio di defensa Hulandes a recomenda un monitoreo mas preciso di hende rescata den e area di servicio aeronautica di rescate (SAR), cu ta yega e islanan den forma independiente, y ta muri of disparce’. E mesun rapport ta indica cu den henter e Cuenca di Caribe, 287 persona a disparce aña pasa so.
Aruba Tourism Authority a conmemora 40 aña di presencia na Colombia
ORANJESTAD - Aruba Tourism Authority a conmemora e 40 aña di existencia di su oficina na Colombia e siman aki. Na e ocasion special aki a reflexiona riba tur e exito alcansa durante e ultimo decadanan y alabes a reconoce y gradici tur partner y colaborador cu a haci e logro aki posibel.
Minister di Aruba a efectua apertura di ‘Aruba Office’ na ‘Holland House’ na Colombia
BOGOTA – Diaranson Minister di economia di Aruba Geoffrey Wever a inaugura e "Aruba Office" na Holland House Colombia. Durante un ceremonia cu presencia di embahador Sr. Ernst Noorman, directeur Jan-Willem van Bokhoven, presidente di Kamer van Koophandel Gavril Mansur, directora di Departamento di Asuntonan Economico Maria Dijkhoff-Pita, y e delegacion comercial di Aruba, e "Aruba Office" na Holland House a bira un hecho pa asina facilita comercio entre Aruba y Colombia.
PACUHR: Reapertura di frontera no ta atende cu e problema migratorio
CARACAS - Union Panamericano y di Caribe pa Derecho Humano (Pacuhr) ta profundamente preocupa pa e impacto cu e reapertura di frontera cu Venezuela por tin pa cu e Venezolanonan den situacion migratorio ‘iregular’. Asina e instancia aki a bisa pa medio di un comunicado. “ Nos preocupacon ta centralisa den e apertura di e frontera di Aruba y Corsou cu Venezuela, y cu esaki por genera aprehencion masivo y expulsion di Venezolanonan den situacion migratorio iregular, cu ta crea un inopservancia di ordenamiento huridico internacional”. Nan ta representa como 89 organisacion di Sociedad civil na Merca, Caribe y Europa. E gobiernonan di e islanan ABC, Venezuela y Hulanda a subraya e aspectonan posi tivo di e reapertura, specialmente e parti comercial. “Sinembargo no a ofrece mucho detaye di con nan lo atende cu e crisis migratorio.
Alexandra van Huffelen a bishita Saba pa e.o. conoce gobierno local nobo
SABA – Secretario di estado Hulandes Alexandra van Huffelen a yega e isla di Saba despues di a bishita Bonaire, como part di ssu bishita na e islanan BES pa e.o. cera conoci cu e gobiernonan local instala despues di e ultimo eleccion na maart 2023. Awe diaranson anochi nan ta biaha pa Statia riba e Makana Ferry. E mandatario ta caba su bishita di e islanan na St Maarten pa reuni cu e tres gobernadornan di Aruba, Corsou y St Maarten.
Van Huffelen a yega islanan BES pa bishita di un siman
DEN HAAG – Secretario di estado Hulandes Alexandra van Huffelen a inicia un bishita di un siman na islanan BES y St Maarten, esta Bonaire, Saba, Statia y St Maarten. Esaki ta e prome bishita desde cu e islanan BES tabatin nan eleccion insular na maart ultimo. Durante e bishita aki e mandatario lo cera conoci cu e gobiernonan insular nobo di cada isla.
Follow NoticiaCla
