Trahadonan di cuido di hospital na Hulanda ta welga aki dos siman

AMSTERDAM – Trahadornan den sector di salud ta welga diahuebs 16 di maart proximo na hospitalnan na Hulanda pa 24 ora. Esaki ta sosode na 64 hospital di e pais. Riba e dia ey, lo traha manera cu a riba un diadomingo, osea solamente casonan di emergencia. Nan ta sinti nan mes bandona door di e cupula di asosacion di doño di trabou den cuido NVZ. Forza di compra reduci, mas presion na trabou y no ta haci nada pa mehora e condicion di trabou, ta entre e motibonan di e malcontento aki.