Arends: Gobierno basta avansa pa tuma AruTram y Aruparking over

Posted on 02/14/2023 1:59 pm AST | Updated on 02/14/2023 2:00 pm AST

ORANJESTAD - Gobierno di Aruba ta basta avansa cu e trabounan pa tuma AruTram y Aruparking over di Arubus. Asina e minister encarga cu transporte Ursell Arends a confirma na noticiacla.com diamars, riba reaccion di loke cu e colegio di supervision financiero CAFt a bisa recientemente. Tabata diabierna siman pasa cu e colegio a bisa e portal aki cu a sugeri na gobierno pa saca e dos entidadnan aki for di ARubus y laga companianan priva maneha esaki. E mandatario a splica cu e intencion ta pa ‘tuma e accionan over y despues pasa nan pa sector priva’.

NO POR SIGUI DEN CONSTELACION ACTUAL

Segun Arends na e portal aki, ya algún luna atras e la anuncia na Parlamento, na sindicato di e trahadornan y na e hunta di directiva di Arubus, cu e grupo Arubus, Arutram y Aruparking no por sigi mas den e constelacion actual. “E resultado di doorlichting di PWC Nederland ta confirma mi pensamento y awo CAFt tambe a yega na conclusion cu no tin sentido pa e dos companianan aki sigi den e constelación actual.

CONTENTO CU PENSAMENTO DI CAFT

Arends a sigui bsa cu e ta contento cu CAFt ta verifica loke e tambe a mira, pasobra na e momento aki gobierno ta bastante avanza cu e trabounan necesario pa Gobierno tuma e dos entidadnan over for di Arubus. “Ambos compañía a causa daño grandi na e posicion financiero di Arubus, locual ta notable pasobra tanto Arutram y Aruparking riba nan mes tin business-case viable y nan tin potencial grandi pa bira entidadnan exitoso. Ami no ta duda den e derecho di existencia di e dosnan aki y nos tin diferente scenario na bista pa loke mester bira futuro di Arutram y Aruparking” Arends a sigui bisa. “Mi ta conta tambe riba un Raad van Commissaris nobo y bon capacita den Arubus cu ta trahando riba plan di rescate pa Arutram y Aruparking. Mi ta kere cu dentro di poco nos lo por anuncia e forma con lo pone e entidadnan aki cuminsa funciona riba nan mes y caminda cada un por carga su mes gastonan” e mandatario a sigui bisa.

SITUACION CRITICO DI ARUBUS

Pa Arubus mes e situacion ta hopi mas critico segun Arends. E peso di tram y parking ta solamente un factor den un lista largo di cosnan cu a bay robez den e empresa ey segun e mandatario. “PWC Nederland a mustra riba un cantidad di fayonan operacional cu nos tambe a mira y cu awor a keda confirma. Aserca tin un estudio cu mi a pidi di Universidad di Aruba cu tambe ta mustra e.o. cu Arubus no ta cumpli cu loke usuarionan ta desea”. Arubus como empresa y como concepto a keda pega den tempo segun e mandatario. “E empresa ta den intensive care hopi aña caba y gobierno a tene ta draai financieramente door di permiti cu nan ta keda sin cumpli cu pagamento di belasting”. Segun e mandatario, den tempo di bonanza gobierno regularmente a pone miyones di florin extra tur aña den e empresa pa asina e por a tene cabez riba awa. “Gobierno hasta a cumpra bus riba su mes cuenta cu e ta pone disponibel pa e NV Arubus haña pa uza. Tur esaki ta negoshi di cangreu” Arends a sigui bisa. Nos no por sigi derocha fondonan publico di e forma aki. “Nos mester ta sincero cu otro, e situacion financiero na Arubus ta den peor estado cu esun na Serlimar” e mandatario a finalisa bisando.

Figaroa: Proximo gobierno mester consisti di solamente vakministers
ORANJESTAD – E lider politico hoben di e partido politico Direccion Politiea Leonardo Figaroa , ta pensa cu den e proximo gobierno, e lidernan politico di e partidonan den coalicion no mester bira minister sino bay den Parlamento. Y mester forma e gobierno cu solamente 7 minister y tur mester ta vakminister, esta no politico. Cu esaki, Leonardo ta pensa cu mester ‘kibra tradicion’.
Mas Politica
Lesa Mas
Minister na Merca ta lobby cu banconan pa fia 160 miyon dollar
WASHINGTON – Minister di finanza di Aruba Xiomara Maduro a cuminsa lobby cu varios banco Mericano e siman aki, pa logra haya un fiansa di 160 miyon dollar. E mandatario a confirma cu e ta na Merca pa ‘atende e IMF Spring Meetings na Washington DC’, unda cu e ta ‘probecha pa reuni cu diferente banco pa por haci e preparacionnan necesario pa Aruba por subi mercado internacional pa por cubri e necesidad financiero di Aruba’. Algun di e banconan cu e mandatario a lobby cu ne pa purba haya fianza, ta JP Morgan, Standard Charter, Citi Group y Santander. Durante e lobbymento, e tin cu convence e institutonan financiero di tur loke ta pasa na Aruba y pa prueba cu Aruba tin un ‘stabilidad financiero cu ta brinda e confiansa na inversionista’. Segun e mandatario, e ta un suma cu ta wordo ‘refinancia’ di e debenan internacional existente cu ta madura. ‘ Como ta refinancia, esaki no lo crece e debe di Pais Aruba’, e mandatario a sigura bisando.
Mas Politica
Lesa Mas
Wever: Fin di di dos cuartaal 2024, centro di Oranjestad ta haya mas luz
ORANJESTAD - Despues di e instalacion inicial di 50 luz aña pasa, ta intensifica e esfuerso pa mehora e visibilidad y seguridad den nos centro di ciudad cu instalacion di 100 palo di luz adicional nobo den nos centro di ciudad. E proyecto aki ta parti di e strategia holistico di revitalisacion di Oranjestad pa crea un ambiente mas sigur y atractivo pa tur su habitantenan, bishitantenan y empresarionan.
Mas Politica
Lesa Mas
Minister Glenbert Croes a sobrevivi un mocion di desconfiansa
ORANJESTAD – Cu 12 voto contra, y 8 pro y uno abstene, Parlamento a vota contra e mocion di desconfiansa contra e minister encarga cu inmigracion, Glenbert Croes. E mocion tabata entrega pa partido MAS y AVP Partido politico MAS pa medio di su lider Marisol Tromp, sostene pa partido AVP diamars mainta a entrega un mocion di desconfiansa contra e minister responsabel pa imigracion, esta Glenbert Croes durante e reunion den Parlamento pa trata e tema en cuestion. Base di e mocion, ta e falta di maneho di e mandatario pa cu e cartera aki (indeficiente), y e la repasa un cantidad di deficiencia.
Mas Politica
Lesa Mas
Partido MAS a entrega mocion di desconfiansa contra minster Glenbert Croes
ORANJESTAD – Partido politico MAS pa medio di su lider Marisol Tromp, sostene pa partido AVP diamars mainta a entrega un mocion di desconfiansa contra e minister responsabel pa imigracion, esta Glenbert Croes durante e reunion den Parlamento pa trata e tema en cuestion. Base di e mocion, ta e falta di maneho di e mandatario pa cu e cartera aki (indeficiente), y e la repasa un cantidad di deficiencia.
Mas Politica
Lesa Mas
Mas di 2 mil habitante di Aruba, Corsou y St Maarten por vota den eleccion parlamentario Europeo
DEN HAAG/ORANJESTAD - Personanan ku nashonalidat hulandes na Aruba, Kòrsou i Sint Maarten ku dia 6 di yüni tin 18 aña òf mas por vota pa elekshon di Parlamento Oropeo di 2024. Pa hasi esaki e mester registrá su mes komo votadó na e munisipio di Den Haag, no mas tardá ku djaweps 25 di aprel 2024. Por registrá fásilmente ònlain. Riba e wèpsait www.stemmenvanuithetbuitenland.nl por haña mas informashon i e formulario di registrashon.
Mas Politica
Lesa Mas