Na Maart conocido comerciante na Corsou Cicely vd Dijs ta recobra su libertad

WILLEMSTAD – Despues di a sinta 6 luna den prizon pa e.o. falsificacion di recibo via su negoshi, y compra di aparatonan pa blokea señal electronico, conoci como e caso Babel, conocido ex partner di ex prome minister di Corsou Gerrit Schotte, esta Cicely vd Dijs ta recobra su libertad proximamente. Su abogado Marije Vaders a confirma pa Noticiacla cu su cliente ta poni pa bandona prizon dia 18 di maart proximo, esa 6 luna despues, pues ta kita un luna di e total di 7 luna cu e mester a sinta su castigo. 

DRENTA PRISON

Tabata dia 22 di augustus di 2022 cu vd Dijs a entrega su mes na porta di prizon SDKK pa cumpli cu un sentencia di prizon di 7 luna, pa e caso di algun aña pasa Babel, unda cu e y su ex a keda sentencia relaciona cu actonan ilicito segun corte manera falsificacion di recibo via su negoshi, y compra di aparatonan pa blokea señal electronico. Schotte a sinta su castigo te sali, y ta pendiente un deal cu gobierno pa paga un suma miyonario, sino e tin cu bolbe sinta castigo. Mientrastanto van der Dijs a bringa su parti pero siman pasa e decision final a cay cu e mester a sinta su castigo. Noticiacla tabatin contacto cu ne den fin di siman y e la comenta pa e portal aki cu e acto aki e ta considera como inhusto. Dia cu e la entrega su mes, e la comenta pa prensa pafo, un biaha mas expresando su desaprobacion pa e acto aki. Segun van der Dijs, e un mama inocente y tin cu bay interumpi su bida pa algo cu e no a haci, y awor kier a cera un comerciante dunado di trabou cu ta percura pa pan di riba 200 hende. Potret ta di archivo di noticiacla. 

ENTREVISTA EXCLUSIVO

Tabata na 2017 cu Noticiacla a tene un entrevista exclusivo cu vd Dijs na Corsou, unda cu for di e momento ey e la declara cu firmesa cu e ta inocente, y cu su consenshi tabata limpi y cu e ta drumi bon anochi.