MACUARIMA – Un agente policial hoben a bira e prome victima di trafico pa 2023. Diabierna atardi pa mas o menos 2:41 Central di Polis a dirigi patruya Policial y ambulance cu maximo urgencia na altura retonde Macuarima pa un accidente pisa entre un Hyundai, accent, shinishi numera A-52316 y un auto Toyota, Corolla shinishi numera A-4238
Na yegada di e prome patruya a topa cu dos victima cu ta involucra den e accidente. Un señora y un cabayero. Ambulance a yega na e sitio y ta transporta e señora cu maximo urgencia hospital. Na e sitio a brinda e prome auxilio na e cabayero pero tabata envano. A resulta cu e cabayero tabata un agente poplicial. Pa 3:21 Dr. Anthony a constata fayecemento di e colega policial Austin David Illes(24).
Illes tabata forma parti di team special di Atraco Team y tabata pues un miembro di di Cuerpo Policial Aruba.
Bureau Slachtofferhulp, BFTO y specialista di trafico a yega na e sitio di incidente pa asina investiga e accidente lamentabel aki.
Altocomisario di Polis Sr. Ramon Arnhem, comisarionan Sra. Irma Gordon, Sra. Trudy Hassel, Sr. Robert Candelaria, coleganan di tur districto, recherchanan di diferente unidad a bin na e sitio di incidente y duna sosten na otro.
Noticiacla y Cuerpo Policial Aruba ta manda palabranan di hopi forza na famia y na e tata di e defunto Sr. Illes cu tambe ta un polis den forma di recherche, y tambe na tur e demas coleganan cu un perdida di nan mesun colega den blauw
ORANJESTAD - Ayera durante oranan di merdia Wardacosta a bai cu un boto local na e punto di sosten di Wardacosta pa un control abordo. Durante di e control riba e boto dor di e agentenan di Wardacosta y e K-9 unit di Cuerpo Policial di Aruba, a bin encontra diferente pakete cu droga aden. En total a haya 237 kilo di droga di cual 57 kilo marihuana y 180 kilo cocaina. E droga y e dos hombernan, di cual unu local y unu Venezolano a keda entrega na Cuerpo Policial di Aruba.
ORANJESTAD – Diasabra atardi, Aruba a conoce su di 3 morto di trafico pa 2024. Segun informe oficial di polis, awe despues di 4’or atardi Central di Polis a dirigi patruya di Noord, ambulance y cu maximo urgencia pa un accidente pisa na altura di e supermercado NG y e restaurant Yen Yen situa na Kamay. Na yegada di e prome unidad a mira dos auto involucra den e accident. Un auto marca Nissan, modelo almera color shinishi numera A-24490 y un Honda, modelo CRV, color cora numera A-52927.
ORANJESTAD - Den ora nan di atardi, Centro Operacional Maritimo (MOC) di Wardacosta, a ricibi un mensahe pidiendo asistencia medico. Ta trata di un pasahero Aleman di 66 aña di edad riba un barco crucero, biniendo for di dirección nort di Aruba. Inmediatamente a tuma contacto cu doctor na warda di CITRO, cu a constata (despues di a evalua e situacion cu e team di medico riba barco) cu ta trata di un atake (stroke). Inmediatamente a manda e helicopter pa evacua e persona. Miembro nan di ambulance a ricibi e pasahero na Queen Beatrix International Airport i a hiba e turista hospital, pa ricibi tratamento medico.
ORANJESTAD - Wardacosta ta informa doñonan di boto y seadoo pa tene cuenta pa nan tin nan documentonan valido a bordo cual ta, ‘vaarvergunning’ y ‘vaarbewijs’ di e capitán. Zorg pa tin vest di salbabida pa tur tripulacion y pasahero abordo; no por bai ku dimas pasahero abordo di e boto pa evita situacion peligroso.