Minister Tjon: Lo tin camara riba henter ruta di carnaval di Oranjestad y San Nicolas e aña aki

ORANJESTAD – Pa e proximo paradanan di carnaval 69 (e aña aki ainda pues)  di Playa y San Nicolas di , lo tin camara riba henter e ruta. Dialuna mainta, Minister di Husticia  Rocco Tjon, a reuni cu e Fiscal Mayor nobo Sr. Eradus como tambe Alto Comisario Sr. Arnhem e.o.  riba diferente topiconan den cuadro di eleva siguridad riba nos isla, caminda a tuma e decision pa pone camara na cada palo di luz pa eleva siguridad di e participantenan y mirones durante e temporada di carnaval. 

TEMPORAL

Den un combersacion adicional cu e mandatario tabatin cu noticiacla, e la splica tambe cu e camaranan lo wordo poni netamente pa e periodo aki di carnaval. “Despues lo kita nan” e mandatario a sigura e portal aki. E mandatario a sigura cu tin un espacio di ley cu ta permiti pa haci esaki, esta pone e camaranan pa un periodo specifico pa seguridad. “Esaki ta puur pa e periode aki y riba e ruta ey. Esey ta un espacio cu ley ta brinda nos tambe” e mandatario a bisa specificamente. 

PROGRAMA PILOTO 

Como tal pa por sigui eleva e siguridad durante carnaval, Gobierno di Aruba hunto cu Elmar, ta bay participa na un proyecto piloto caminda lo bay ekipa tur e palonan di luz cu ta riba e ruta di carnaval, ambos di Playa y San Nicolas, cu ta wordo maneha door di Elmar, cu camara pa asina eleva e siguridad pa participantenan pero tambe pa mirones durante paradanan di carnaval. Elmar tin e insfrastructura caba disponibel pa por percura cu e rutanna aki ta bay ta ekipa cu e camaranan pa asina garantisa mas siguridad durante e temporada di Carnaval.