Fakkel Optocht ta practicamente sold out pa diasabra awor

ORANJESTAD – Tur cos ta mustra cu pa diabierna tur 6 grupo cu ta inscribi pa e Parada di Flambeu, osea Fakkel Optocht, ta completamente yen, osea sold out. Te cu diaranson atardi, tabatin por lo menos 2 grupo sold out caba cu ta Champagne y TOB Carnival Group, y dos cu tabatin e ultimo lugarnan disponible esta Empire y Royal Carnival Group. Y otro dos ta mustra cu pa diabierna nan tambe lo ta sold out cu tabata Los Laga Bai y Infinity Carnival Group. E presidente di e fundacion cu ta maneha carnaval na Aruba, esta Darren van Ommeren diaranson mainta a desmenti noticianan inicial cu Fakkel Optocht tabata sold out caba. “No”, tabata e contesta cortico pero cla di van Ommeren riba e pregunta. Pero, ta mustra cu e lo ta uno yen yen, cu miles di hende riba pia.