- Plasterk ta sigui papia awe cu partidonan PVV, BBB, VVD y NSC na Hulanda
- Bucuti & Tara Beach Resort ta Invitado Special na COP28 di Nacionnan Uni
- Minister Thijsen a trata tema di geschillenregeling cu presidente di Staten na Aruba
- LATAM Airlines a lansa ruta nobo Lima-Aruba
- AFAR: Aruba e prome di 6 isla scohi como destinacion ‘exotico’ pa 2024
Gobierno lo introduci ‘ahustenan’ den 2023 pa mehora poder di compra
ORANJESTAD – Mientras cu Aruba ta pendiente pa e cambio di aña cu lo conoce aumento di BBO, gobierno a siman aki a anuncia tambe cu nan lo ‘mehora e poder di compra’. Mas specifico, esaki ta nifica e.o. baha impuesto riba tur salario y entrada di tur hende, aumenta minimum loon, aumenta pensioen di biehes, aumenta reparatie toeslag di nos pensionadonan, y baha impuesto di pensionadonan door di haci calculacionnan separa. Segun gobierno, tur esaki lo ‘mehora e poder di compra, mehorando asina e calidad di bida di nos hendenan’.
CONFLICTO CU CAFT
No ta conoci anda si e colegio di supervision financiero CAFt lo aproba tur esaki, ya cu e ta nifica menos placa e ora den caha di gobierno, segun e colegio. Den pasado recien, ora cu gobierno a anuncia rebaho di loonbelasting, e la haya regaño di e colegio, cu a exigi pa nan ‘draai’ e decision ey bek, ya cu e no tabata corecto. Gobierno sinembargo a rechasa esey y a bisa CAFt cu esey lo no sosode. Den e caso awor, ta premira cu CAFt un biaha mas lo por trece obhecion. Lo tin cu mira kico ta pasa, pasobra delanta, CAFt no ta reacciona riba preguntanan hipotetico, di ‘kico lo pasa si’.
Minister Thijsen a trata tema di geschillenregeling cu presidente di Staten na Aruba
ORANJESTAD – Minister Plenipotenciario mr. Ady Thijsen a haci un bishita di cortesia na Presidente di Staten di Aruba Edgard Vrolijk. Minister Thijsen ta actualmente na Aruba pa un bishita di trabao. Durante di e bishita a papia riba temanan cu ta actual, manera e Geschillenregeling. Nota pa redaccion: E potret ta cortesia di Arubahuis
VIDEO: Minister Wever: Unico cos cu kizas por haci, ta na e suma cu DUCAPRO kier cobra pa toca musica
ORANJESTAD – E unico posibilidad pa haci algo pa radio emisoranan, kizas ta e suma cu nan tin cu paga e fundacion DUCAPRO otro aña pa toca musica publicamente. Asina minister di Telecomunicacion Geoffrey Wever a bisa Tito Laclé diahuebs anochi den e programa Noticiacla LIVE. E mandatario a confirma cu e radio emisoranan tin problema cu e hecho di cobransa, cuanto cu sea. E mandatario a reuni cu nan y a bisa nan cu e no por haci mucho, pero posiblemente por haci algo cu e suma. E la keda di reuni bek cu nan otro siman despues cu awe e haya un conseho final di kico e como minister por haci. Por wak e segmento ey di e programa AKI tambe.
Construccion di centro nobo di polis na Cumana ta inicia di dos cuartal di 2024
ORANJESTAD – Construccion di e warda di polis nobo na Cumana ta inicia na Maart di 2024. Asina minister di husticia Rocco Tjon a confirma diahuebs, despues di a reuni cu esnan cu ta financia e proyecto aki, esta APFa. A reuni cu e architecto di e proyecto y representante di APFA pa e proyecto. E intencion ta pa converti e edificio di ex Codemsa den un centro moderno pa polis. Varios departamento lo resorta bou di un dak asina y keda central. E intencion ta pa Februari 2024 conoce ken ta bay ta encarga cu e construccion y pa un luna despues cuminsa cu e construccion.
Vrolijk: Ta den man di gobierno mes, si e LAFt ‘nobo’ ta keda aproba na tempo
ORANJESTAD – Tur cos ta den man di gobierno di Aruba si ta keda cla cu e ley di LAFt, prome cu fin di aña, cumpliendo asina cu exigencia di gobierno Hulandes. Asina presidente di Parlamento Edgard Vrolijk a bisa noticiacla.com diahuebs mainta. E presidente a confirma cu awe a fiha fecha pa parlamentarionan hasi pregunta riba presupuesto supletorio y e cambio di LAFt. “ Despues di e fase ey e ta den man di gobierno” Vrolijk a bisa. Cu esey e kier men cu ta keda na gobierno pa entrega nan NAV, cu ta e contestacion di e preguntanan di e parlamentarionan. Den terminologia politico esaki ta e NAV, e ‘Nota naar Aanleiding van het Verslag.
Arends: Awor por re-aplica digitalmente pa permiso di taxi
ORANJESTAD - Minister encarga cu transporte publico Ursell Arends diaranson mainta anuncia e siguiente paso den e proceso di digitalisa e aplicacion pa permiso.
Gobierno di Aruba a manda e ley di LAFt pa Parlamento
ORANJESTAD – A dura un poco, pero finalmente gobierno di Aruba a confirma diaranson cu nan a keda cla cu e concepto di ley di LAFt, despues cu Hulanda a informa di esaki for di diabierna siman pasa. Segun un comunicado di gobierno nan ta bisa cu despues di e deliberacionnan cu Hulanda durante e ultimo simannan, manera a keda aproba den Conseho di Minister di Reino di dia 27 di October ultimo, Aruba y Hulanda a yega na acuerdo riba e cambionan di LAft. LAft ta e Ley di Supervision Financiero cu ta duna e cuadro legal na e CAft pa haci trabou di supervision finaciero na Aruba. E ley di LAft aki tawata anticua y no tawata contene e normanan recien. Cu e cambionan cu a wordo presenta awe na Parlamento, e normanan ta actualisa.
Follow NoticiaCla
