Croes: Aumento di salario minimo den 2023 lo ta uno significante

Croes: Aumento di salario minimo den 2023 lo ta uno significante

Posted on 11/16/2022 5:37 pm AST | Updated on 11/16/2022 5:38 pm AST

ORANJESTAD - “Cu gran perspectiva  nos lo mira un aumento significante un biaha mas den salario minimo entrante Januari 2023. E aumento aki lo yuda e trahado, e tata y mama di famia cu un aumento den nan calidad di bida y poder di compra.” Minister Glenbert Croes a expresa. E mandatario recientemente a confirma pa noticiacla, cu enberdad ‘salario (minimo) lo aumenta, pero cu ‘nos ta wardando e ultimo consehonan cu nos como gobierno mester tene cuenta cu ne. No a bisa ainda cuanto e salario minimo lo bira unabez aumenta. 

HISTORIA DI SALARIO MINIMO

Repasando e cifranan di pasado relaciona cu aumento di salario minimo, di aña 2000 te cu 2009, partido Movimento Electoral di Pueblo (MEP) a aumenta e salario minimo pa un total di 6 biaha cu un suma total di 431.15 florin. Pa e periodo siguiente di 2009 – 2016 di AVP, e salario minimo a wordo aumenta cu 134.70 florin den 7 aña di tempo. Durante gobernacion di Gabinete Wever-Croes I y II, salario minimo a wordo aumenta cu 137.75 florin den 3 aña di gobernacion.

  • Gobernantenan ta keto riba sentencia di aprobacion di matrimonio mesun sexo

    Gobernantenan ta keto riba sentencia di aprobacion di matrimonio mesun sexo

    ORANJESTAD – Un dia despues di e sentencia monumental di Corte dialuna unda cu tres hues a dicta cu matrimonio di mesun sexo ta posibel na Aruba y Corsou, gobierno di (por lo menos) Aruba ta keto keto. Noticiacla a haci intento pa un reaccion di e mandatarionan, pero te awor, tin un silencio riba esaki. Tanto prome minister Wever como minister di husticia Tjon no a reacciona ainda pa NoticiaCla. No ta conoci si nan ta formulando un contesta ainda, y cu tin cu duna nan e tempo pa asimila e cambio aki, por lo menos legalmente. Asina mes, e unico politico local cu a reacciona habri riba esaki, ta e lider di partido ACCION21, Miguel Mansur. E lider politico aki nunca a sconde e hecho durante e ultimo eleccion cu e ta e unico lider politico homosexual. Su contesta riba e sentencia ayera tabata corto pero claro, y a bisa solamente en corto, ‘porfin’ riba su pagina social. Mientras cu gobierno a keda keto (ainda) publicamente, e mester reacciona oficialmente dentro di e tempo stipula y wak si nan ta bay den casacion. Noticiacla a compronde cu e posibilidad pa esaki tuma lugar ta casi un hecho, mirando e pensamento for di comienso cu Aruba no ta bay ‘permiti’ e cambio di ley aki ‘ainda’. 

  • Arends: Subida di tarifa pa autobus no ta drenta na vigor awe mas!

    Arends: Subida di tarifa pa autobus no ta drenta na vigor awe mas!

    ORANJESTAD – E subida di tarifa cu 1 Florin pa autobus nota drenta na vigor awe mas! Asina minister di transporte Ursell Arends a confirma e siman aki. Segun e mandatario, durante e ultimo dianan a tuma nota di diferente expressionnan di parti di chauffeurnan di autobus chikito encuanto e subida di tarifa cu 1 Florin, indicando cu lo kier cuminsa cobra esaki entrante 1 di december 2022. Pero e proceso legal pa regla e tarifa nobo no ta finalisa ainda segun e mandatario.

  • Embahador di Reino Hulandes na Venezuela a reuni cu Aruba riba reapertura di frontera

    Embahador di Reino Hulandes na Venezuela a reuni cu Aruba riba reapertura di frontera

    ORANJESTAD – Embahador di Reino Hulandes na Venezuela Robert Schuddeboom a reuni cu minister di husticia Rocco Tjon e siman aki, riba entre otro e reapertura di frontera cu Venezuela. Durante e reunion aki, Aruba a duna un splicacion amplio di e grupo di trabou cu ta preparando pa cu esaki, como tambe e analisisnan pa loke ta e impacto di esaki, teniendo na cuenta e parti di siguridad. 

  • Gobierno y ATA a lansa proyecto di ehercicio inovativo ‘QR Fit’ pa local y turista

    Gobierno y ATA a lansa proyecto di ehercicio inovativo ‘QR Fit’ pa local y turista

    ORANJESTAD – Awe tardi gobierno y Aruba Tourism Authority a lansa un proyecto innovativo caminda nos localnan y turistanan pa medio di nan telefon, por scan un QR code cu lo ta accesibel riba e caminda di Boardwalk Malmok y nan lo por scohe diferente hercisio.

  • Despues di retraso di 2 aña, ta inicia fase 3 di proyecto Baby Beach

    Despues di retraso di 2 aña, ta inicia fase 3 di proyecto Baby Beach

    ORANJESTAD – Despues di retraso di 2 aña, ta inicia fase 3 di proyecto Baby Beach.  Dialuna mainta Minister Dangui Oduber tabata na Baby Beach caminda e a anuncia cu ta sigui traha ariba e masterplan di Seroe Colorado den e caso aki e proyecto di Baby Beach, anunciando e Fase 3 di Baby Beach su MasterPlan. E proyecto aki mester eleva henter e area rond di e playanan aki teniendo na cuenta e importancia di conserva nos naturalesa, creando asina un desaroyo di embeyesimento di e area na un manera sostenibel.

  • Parlamento a aproba e ley pa Centro di Husticia nobo (ex-Codemsa) unanimamente

    Parlamento a aproba e ley pa Centro di Husticia nobo  (ex-Codemsa) unanimamente

    ORANJESTAD - Diamars ultimo Parlamento a trata e ley cu finalmente ta duna minister di Husticia Rocco Tjon e luz berde pa por ehecuta e proyecto di ex-Codemsa, cual pronto lo bay wordo comberti den un centro di Husticia, caminda lo bay ubica diferente departamentonan hudicial hunto bou un solo dak. Aunke cu a inicia cu e proceso aki di algun tempo atras, tin un motibo pa cual e ley a tarda un poco pa wordo aproba, esaki pa motibo cu e la wordo adapta completamente, mirando cu e proyecto a nace for di ex-minister di Husticia Sr. Bikker durante Gabinete Wever-Croes I. E adaptacion ta ensera cu mas departamento lo bay wordo ubica akinan hunto cu otro departamentonan cu no tawata tin un luga fiho pa traha. 

  • Powered by SETAR