Compagnie in de West' di Defensa den Region Caribe Hulandes ta ehecuta su rotacion

Compagnie in de West' di Defensa den Region Caribe Hulandes ta ehecuta su rotacion

Posted on 11/9/2022 9:29 am AST | Updated on 11/9/2022 9:30 am AST

WILLEMSTAD - Durante un ceremonia cortico militar, 'Compagnie in de West rotashon 40' awe a pasa su tareanan pa e siguiente unidat, rotashon 41.  Mediante e tradishonal asina yama 'peddeloverdracht' – pasa over e rema, e Komandante nobo Kapitan Martijn Huis in 't Veld a relevá su antesesor Mayor Rian van der Meer. Rotashon 41 ta keda 4 luna den Region Karibe. E 'compagnie' di sòldánan Alfa 'Java' no ta unu deskonosí den e region. Na 2017 tambe nan tabatin e tarea di Compagnie di ehérsito den Region Karibe. Durante esaki nan a duna asistensha na Sint Maarten promé, durante i despues di Orkan Irma.

Mayoor van der Meer ta mira bèk riba un periodo spesial: "Komo unidat nos tabatin un tempu fantástiko akinan.  Nos por a hasi e loke ku nos a bini p'e i a sinti nos mashá bon biní  riba e pida parti spesial aki di nos Reino."

E unidat saliente durante e último lunanan, ademas di treinen, tambe a brinda un kantidat di apoyo na outoridatnan lokal.  E apoyo na outoridatnan sivil ta un di e tareanan prinsipal  di Defensa den Region Karibe.  Kapitan Huis in 't Veld ta antisipá pa por trein ku su hendenan den Region Karibe Hulandes. "E Compagnie 'Java' ta honrá, pa un biaha mas, por ta huéspet na Kòrsou.  Nos ta antisipá, ku usando nos mentalidat 'Nos Por', nos por brinda apoyo i asistensha kaminda ta nesesario.  Banda di esei nos lo probechá nos periodo na Kòrsou, pa trein pa asina den e añanan benidero nos por ta semper kla, pa kualke despliegue ku presentá."

CidW 41 ta prosedente di batayon 12 di Infanteria Regimento van Heutsz, un unidat di Brigada Aeromóbil 11. 'Compagnie in de West' (CidW) ta un unidat permanente di Forsanan Armá Real den Region Karibe, ku por keda desplegá durante un variedat di tarea. E intenshon ta ku durante e 4 lunanan benidero nan trein tantu na Aruba, Bonaire komo Kòrsou. NOTA: E texto ta scirbi den Papiamento fonetico di Corsou. 

  • Deaxo Croes a logra cumpli su meta landando di Bonaire pa Corsou!

    Deaxo Croes a logra cumpli su meta landando di Bonaire pa Corsou!

    WILLEMSTAD – Despues di a landa algo mas di 13 ora den laman entre Bonaire y Corsou, e landado di Aruba Deaxo Croes a logra su meta di completa e ruta aki di mas of menos 53 km pa e hazaña titula ‘Crossing for Prevention’. E la drenta awa 2 minuut pasa di 3 or di awe marduga, y tabata programa pa yega Corsou den careda di 3’or di atardi. Pero tabatin un retraso ‘chikito’, y asina mes e la mustra perseverancia increibel, bringando tur posibel obstaculo y finalmente cumpli cu su meta. Entre esnan sperando e na costa di Corsou, tabata su mama Tita Iglesias y tata Robertico Croes. Keda pendiente pa mas informacion na caminda. 

  • Conocido ex activista di Corsou Stanley Brown a bay sosega

    Conocido ex activista di Corsou Stanley Brown a bay sosega

    WILLEMSTAD – E conocido ex activista y revolucionario di Corsou Stanley Brown diaranson a bay sosega na edad di 84 aña. Segun famianan, e tabatin problema cu curazon, a surfi un atake di curason, y tabata durante di un operacion cu a sigui, a resulta cu e no a sobrevivi e operacion. E ta mas conoci pa su envolvimento den e marcha di 30 di mei 1969, hunto cu otro sindicalista Wilson ‘Papa’ Godett, unda cu Corsou a pasa den momento dificil. E tabata miembro di Staten pa partido Frente Obrero na aña 1969, y riba lista na aña '69,'83, '85. Despues semper e la keda cu un voz importante na Corsou. E ta laga atras su casa Annemarie Braafheid, ex prome finalista di Miss Universo y su yiunan morocho Stanley y Clayton Brown, ambos comerciantenan conoci y exitoso na Aruba. Noticiacla ta manda palabra di pesame na rumanan Brown, e señora y demas famia. Cu Stanley sosega na paz. 

  • Corsou a ricibi 400.576 turista di estadia e prome 10 luna di aña 2022

    Corsou a ricibi 400.576 turista di estadia e prome 10 luna di aña 2022

    WILLEMSTAD - Ofisina di Turismo di Kòrsou (CTB) ta raportá ku Kòrsou a risibí un total di 400.576 turista di estadia durante e promé 10 lunanan di aña 2022 kual ta un kantidat di 19.586 turista di estadia adishonal kompará ku e mesun periodo na 2019. Na 2019 e kantidat registrá durante e mesun periodo tabata 380.990. E rekuperashon di e prestashon promé ku pandemia ta kontinuá sigun nos ta yegando fin di aña. Faltando solamente 2 luna pa 2022 terminá, CTB ta proyektá ku gran satisfakshon ku Kòrsou lo alkansá un kantidat rèkòrt di turista di estadia si e situashonnan aktual permanesé. Sifranan ku CTB a raportá anteriormente tabata un kantidat di 467.538 na 2015 i 463.684 na 2019. NOTA: Texto ta scirbi den Papiamento fonetico di Corsou. 

  • Dianan di yobida consekutivo a prueba con malo cayanan di Corsou ta

    Dianan di yobida consekutivo a prueba con malo cayanan di Corsou ta

    WILLEMSTAD -  Corsou tin basta dia pasando den yobidanan fuerte. Esaki a trese inundashon den vários parti prinsipalmente riba kaminda públiko. No ta algu nobo ku e infrastruktura di kareteranan na vários parti ta laga hopi di deseá. Aparte di e infrastruktura di kayanan, no tin mantenshon di roinan. E kombinashon aki ta pone ku kayanan ta yena ku awa inmensamente. Huntu ku esei den e último simannan e estado di nos kareteranan a bai hopi atras. Tin buraku tur kaminda. Outomobilistanan ta sufri i ta sakando basta sèn konstantemente na tayer nobo. Den e último dianan, EXTRA a kompilá algun imágen kaminda por tuma nota kon kayanan i te asta kas ta yena ku awa i tambe e situashon di burakunan den kaya. Awaseru lo sigui kai den e próksimo dianan, i ta pió so e situashon ta sigui bira.NOTA: Texto ta scirbi den Papiamento fonetico di Corsou. 

  • E drone militar MQ-9 Reaper ta keda mas largu na Corsou

    E drone militar MQ-9 Reaper ta keda mas largu na Corsou

    WILLEMSTAD - E avion die eksplorashon sin tripulashon, osea e drone MQ-9 Reaper ta keda desplegabel te 1 di yüli otro aña, desde Aeropuerto Hato na Kòrsou. Esaki ta sosedé pa prepará personal di Forsanan Aéreo pa tareanan aun mas pisá i operashonnan ekstenso. Sekretario di Estado Christophe van der Maat durante un bishita na Region Karibe Hulandes a duna esaki di konosé.

  • Exs director di Giro Bank Eric Garcia por a bai cas cu banchi

    Exs director di Giro Bank Eric Garcia por a bai cas cu banchi

    WILLEMSTAD.- Eks  direktor di Giro bank  Eric Garcia (81) ku a keda kondená na 4 aña den korte di apelashon aña pasa 11 di febrüari 2021 por a bai kas ku banchi pa 6 luna largu. Hof a konfirmá e sentensia di korte di promé instansia, despues ku abogado general  a hasi demanda di 5 aña pa Garcia i a pidi pe paga bèk NAf 19.192.417,-.  Si e no kumpli e tin ku bai 3 aña será. Garcia a keda kondená pa malversashon komo curator, falsifikashon di  dokumentonan di banko Maduro na nòmber di Banco Maracaibo N.V. i tambe labamentu di plaka. Tur esakinan den e periodo di 1 di yanüari 2010 te ku 20 di yüli 2016 na Kòrsou i tambe Estádos Unídos.

  • Powered by SETAR