Partido MEP a proclama Evelyn Wever-Croes como su lider atrobe

ORANJESTAD – Evelyn Wever- Croes diadomingo anochi a keda apunta un biaha mas via acclamacion, como e lider di e partido geel, MEP pa 4 aña mas. Esaki a sosode na final di un congreso combina cu un dia di famia na nan sede di e partido na Sta Cruz. E partido a anuncia caba delanta (noticiacla a raporta esaki tambe) cu contrario na eleccion di un persona, a dicidi cu ta postula un solo persona, e lider actual pa aclamacion pasobra ta mira cu e ta e persona mas capaz aworaki pa lidera e partido pa e proximo añanan. Tabata 11 aña pasa cu e partido a eligi Wever-Croes pa prome biaha como su lider, unda cu tabatin mas cu un persona como candidato, entre nan actual minister plenipotenciario Ady Thijsen.