Puerto Rico y Republica Dominicano a keda mal bati pa horcan Fiona

SAN JUAN – Tanto Puerto Rico como Republica Dominicano a keda mal bati den fin di siman a consecuencia di e pasada di horcan Fiona. Puerto Rico particularmente a perde coriente riba henter e isla hasta prome cu e horcan a yega e isla. Despues e horcan a causa mas destruccion y kibra un brug completo y causa hopi inundacion. “Nos ta sigui bou di awacero intenso y biento” un ciudadano a bisa NoticiaCla diadomingo. “Den e pueblo Utuado, e horcan a hiba un brug completo. Nos ta sigui sin luz” e persona aki a sigui bisa diadomingo anochi. Despues di Puerto Rico, e horcan a sigui pa Republica Dominicano unda cu e horcan a suta e isla cu biento di 90 miya pa ora. Potretnan ta di e destruccion na Puerto Rico, y ta cortesia di Mora’s Weather Network.