Sindicatonan: Elimina restriccion riba contracto di corto duracion ta inaceptabel!

ORANJESTAD - E sugerencia recientemente e.o. pa elimina restriccion riba contracto di corto duracion, cual lo resulta den un retroceso enorme den e derechonan di e clase trahado y cu efecto desastroso pa e trahado y su futuro ta inaceptabel pa e grupo di 12 sindicato y organsacion na Aruba.  Asina e grupo di sindicatonan FTA, SEPPA, SIMAR, SPA, TOPA, STT, ABV, STA, SIWA, IOWUA, SADA y e organisacion OPPA, a aclarea den un carta diabierna. E sugerencia haci segun e sindicatonan, a wordo haci recientemente durante e ‘Congreso Nacional Social Laboral (DTSL). 

ENCUENTRO INFORMATIVO ENVEZ DI CONGRESO

E sindicatonan tambe a aclarea cu segun nan, apesar cu e encuentro aki a wordo yama Congreso Nacional Social Laboral (DTSL), e procedura y contenido di esaki no tawata di un congreso pero di un encuentro informativo. E sindicatonan conhuntamente a indica esaki den un carta cu a wordo entrega riba dia di e evento y di cual copia a wordo manda tambe pa Hulanda como esun cu ta sugeri reforma den e asina yama “Landspakket”. 

CONTENIDO

Pa locual ta trata e contenido di e informacion cu a wordo duna, e sindicatonan ta remarca cu apesar cu algun di e sugerencianan tin algun aspecto beneficioso pa e trahado, tin algun sugerencia tambe cu pa nos como sindicato ta absolutamente inaceptabel. Y aki nan ta referi nan e loke a keda menciona mas ariba, esta e sugerencia pa elimina restriccion riba contracto di corto duracion, cual lo resulta den un retroceso enorme den e derechonan di e clase trahado y cu efecto desastroso pa e trahado y su futuro. 

LAMENTO

E sindicatonan ta lamenta y preocupa cu dilanti un aña nobo parlamentario, unda mas bien tawata di spera cu tin miho perspectiva nos dilanti pa e trahado tin su dilanti cambionan grandi. Seguridad Laboral y Social ta importante pa e hende, esaki sigur lo duna un direccion na unda nos kier bay como pais cu nos ciudadanonan. Nan    ta evaluando tur e sugerecianan cu a wordo presenta den e raportnan y lo trece un punto di salida conhunto una bez e evaluacion di e diferente documentonan ta cla. NOTA: E potret di noticiacla ta uno di archivo.