DIMP: Cumplimento cu pago di loonbelasting y BBO/BAVP/BAZV mester mehora

DIMP: Cumplimento cu pago di loonbelasting y BBO/BAVP/BAZV mester mehora

Posted on 09/14/2022 10:07 am AST | Updated on 09/14/2022 10:10 am AST

ORANJESTAD – Departamento di Impuesto ta un departamento di gobierno cu tin e tarea pa garantisa entrada di impuesto y pa facilita e contribuyente pa por cumpli cu su debernan fiscal. Responsabilidad fiscal ta encera entregamento di declaracion y pago corespondiente na tempo. E cumplimento of “compliance” pa cu pago di impuesto ta un parti importante di un bon comportacion fiscal.

CUMPLIMENTO

Segun e cifranan, e empresanan cu a entrega nan declaracion di loonbelasting y BBO/BAVP/BAZV di e periodo januari te cu juni di aña 2022, no a paga e suma di impuesto cu ta coresponde cu nan propio declaracion y/of no a paga na tempo. Consecuentemente Departamento di Impuesto a saca cobransanan adicional cu boet pa incumplimento di pago.

Ta importante pa menciona cu den e cifranan di loonbelasting ta inclui tambe e primanan di AOV/AWW y AZV y ta trata sumanan cu e dunado di trabao a retene for di su empleadonan y no a paga esaki na Departamento di Impuesto. Pues ta trata di sumanan di impuesto y primanan social cu ta coresponde cu e responsabilidad di pago di e empleado cu no a wordo paga debidamente door di e dunado di trabao. Pago di BBO/BAVP/BAZV ta coresponde cu e sumanan di ganashi di un empresa caminda cu e 6% di impuesto cu ta aplicabel no a wordo paga na Departamento di Impuesto.

Aki ta sigui un bista di e incumplimento of “non-compliance” pa loke ta trata pago di impuesto conforme propio declaracion.

Ta importante pa menciona cu si un contribuyente no cumpli cu pago di impuesto tin consecuencianan indesea di cobransanan adicional, boetnan halto y sumanan di interes cu ta resulta den un suma total mas halto pa paga sin cu ta necesario. Esaki por hinca e comerciante y/of empresa den un situacion financiero dificil pa sali for di dje. P’esey keda sin haci pago di impuesto no ta un opcion.

Cumplimento cu declaracion y pago di impuesto ta e responsabilidad di e contribuyente y no di Departamento di Impuesto. Sea e ta un persona individual, dunado di trabao, comerciante chikito y/of compania grandi, e responsabilidad fiscal ta den su man.

MESTER REGISTRA E EMPRESA

Tur comerciante mester haci declaracion mensual den forma digital via e portal “BO impuesto” (BOi). E comerciantenan cu ainda no a registra como usuario, mester haci un cita mas pronto posibel. Por haci e cita via www.impuesto.aw?Afspraak maken y klik riba e link “Registreren voor het online portaal “BO impuesto” (BOi). Pa mas informacion tocante e portal por yama 522 7437 of mail na [email protected]

E comerciantenan cu no ta haciendo declaracion di impuesto riba entrada (inkomstenbelasting of winstbelasting), por tuma contacto cu Departamento di Impuesto na 522 7424 pa mas guia.

FACILITANDO Y INFORMANDO E CONTRIBUYENTENAN

Departamento di Impuesto t'ey pa facilita e contribuyente pa por cumpli cu su debernan fiscal pa medio di sistemanan digital pa por cumpli cu e declaracionnan mensual manera declaracion di BBO/BAVP y BAZV loonbelasting y e primanan AOV/AWW y AZV. Alabes e departamento ta brinda informacion importante tocante e fechanan final pa medio di su website www.impuesto.aw, su pagina di FaceBook y tambe comunicadonan di prensa. Asina Departamento di Impuesto ta purba clarifica cualkier duda cerca e contribuyente y atende cu cualkier pregunta tocante pago di impuesto.

Finalmente Departamento di Impuesto kier gradici tur comerciante cu si a cumpli debidamente cu e pagonan di loonbelasting, primanan di AOV/AWW/AZV y BBO/BAVP/BAZV y den mesun rosea urgi e comerciantenan cu no ta cumpli cu nan pago di impuesto pa atende cu nan responsabilidad fiscal. Nos tur mester demostra di ta consciente di e importancia di cumpli cu nos debernan di impuesto y asina contribui na bienestar di nos tur cu ta biba y traha riba nos dushi isla Aruba.

  • Wingo a estrena su buelo for di Medellin pa Aruba den weekend

    Wingo a estrena su buelo for di Medellin pa Aruba den weekend

    ORANJESTAD – Diasabra ultimo Aeropuerto Reina Beatrix a celebra e hecho cu e aeroliña Colombiano Wingo a inaugural su ruta nobo Medellin pa Aruba. Esaki lo ta dos buelo semanal entre e dos destinacionan riba diaranson y diasabra. Manera custumber, tabatin e celebracion necesario cu bandera di ambos pais, desplega pa e pilotonan for di e cockpit, y despues e acostumbrado ceremonia na aeropuerto. 

  • KLM ta aumenta capacidad pa islanan ABC cu mas di 20% pa winter!

    KLM ta aumenta capacidad pa islanan ABC cu mas di 20% pa winter!

    SCHIPHOL – Mescos cu a sosode un aña pasa, KLM a anuncia e siman aki cu ta aumenta e frecuencia pa islanan ABC cu mas di 20%. Asina e portal di aviacion luchtvaarnieuws.nl ta raporta. Pa Corsou, KLM ta bula 10 biaha pa siman, cu 2 buelo pa dia durante e periodo di pasco. Pa buelonan pa Aruba, den combinacion cu Bonaire, KLM lo usa nan avion di mas grandi, e boeing 777-300ER cu capacidad di 408 diario. Aña pasa tambe tabatin un tipo di anuncio asina aunke e biaha aki a haci esaki aun mas grandi.

  • Durante Cruise Symposium 2022 a enfoca riba experiencia y producto pa nos bishitantenan

    Durante Cruise Symposium 2022 a enfoca riba experiencia y producto pa nos bishitantenan

    ORANJESTAD - Den presencia di algun miembro di parlamento, Minister di Turismo, Hunta di Supervision di A.T.A., CEO di A.T.A., CEO di APA, CEO di AHATA, ekipo di A.T.A. y socionan di industria crucero, a efectua otro edicion di ‘Cruise Symposium’ riba Dia Mundial di Turismo den ballroom di Aruba Marriott Resort & Stellaris Casino. Touch of Steel a ricibi tur participante cu musica di steelpan. Minister Oduber, CEO di A.T.A. y CEO di APA a hiba palabra na esan presente, sigui pa un presentacion di ‘Aquila Center for Cruise Excellence’, un socio di A.T.A. den e industria crucero. 

  • ATIA ta preocupa y kier claridad riba BBO y reforma fiscal

    ATIA ta preocupa y kier claridad riba BBO y reforma fiscal

    ORANJESTAD - Aruba Trade and Industry Association (ATIA), hunto cu algun otro gremio commercial, a pidi un reunion cu Minister di Finansa y Cultura y Directora di DIMP pa haya mas informacion y aclaracion riba e tema di BBO y e futuro pasonan pa cu e reforma fiscal. Directora di DIMP a contesta cu despues di ricibi mandato di gobierno tocante e reforma lo por yama un reunion pa asina duna mas informacion.

  • Conferencia pa socionan di industria a inicia Dia Internacional di Turismo

    Conferencia pa socionan di industria a inicia Dia Internacional di Turismo

    ORANJESTAD - Como parti di e Celebracion di dia Mundial di Turismo awe e varios partnernan den e industria aki tin un conferencia pa socionan local di e industria. A la ves esaki ta e apertura oficial di e conferencia Aruba Meets Europe cu ta conta cu participación di e socionan internacional. Tambe tin presente studiantenan di Unidad di Hospitalidad y Turismo di EPI y Facultad di Turismo di Universidad di Aruba. Tur esaki a inicia for di 8’or di mainta y ta sigui henter mainta na Aruba Marriott Resort. 

  • ATIA: Aruba merece un mercado laboral productivo y progresivo

    ATIA: Aruba merece un mercado laboral productivo y progresivo

    ORANJESTAD – E gremio comercial Aruba Trade and Industry Association (ATIA) a raporta diaranson cu nan tuma nota siman pasa cu sindicatonan a vocifera nan disgusto ariba e proceso encuanto e “Congreso Nacional riba ley laboral”. Como gremio commercial, ATIA a sugeri, pa sigui cu e presentacionnan di e experto ariba e recomendacionnan di e reforma laboral (E1) y tambe seguridad social (E4), di e “Landspakket”. Alaves tambe bin na un fecha nobo, hunto cu e sindicatonan, unda si lo por dialoga pa yega na un solucion correcto pa nos isla.

  • Powered by SETAR