E prome presentador di CNN, e legendario Bernard Shaw a fayece

ATLANTA – E prome anchor di noticia di e cadena Mericano CNN, Bernard Shaw a fayece na edad di 82 aña. Ora cu CNN a lansa riba 1 di juni 1980, e la cuminsa cu nan, y a retira despues di mas di 20 aña na februari di 2001. Durante su carera, e la raporta e storianan di mas grandi internacionalmente, manera e revolucion riba e plaza Tianamen na 1989, e prome guera di golfo en bibo for di Iraq, y e eleccion presidencial Mericano di 2000 unda cu e la modera un di e debatenan. Hasta despues cu e la bandona CNN, e la keda un miembro di CNN y tabata duna comentario y context riba eventonan historico y aña pasa mes e la haci esaki tambe.