DNM: Preocupa cu e malesa di perdida di tehido di coralnan, Stony Corals

DNM: Preocupa cu e malesa di perdida di tehido di coralnan, Stony Corals

Posted on 08/8/2022 9:21 am AST | Updated on 08/8/2022 9:22 am AST

ORANJESTAD - Directie Natuur en Milieu (DNM) ta desea di comparti un informacion importante di un fenomeno cu ta tumando lugar den e bida marino na algun sitio di buceo (dive site) na e islanan den Caribe y particularmente e preocupacion cu tin actualmente na Boneiro cu e presencia di un malesa di coral. 

Nomber di e malesa cu ta ataca e coralnan ta Stony Coral Tissue Loss Disease (SCTLD). Nos preocupacion ta cu e malesa ta uno hopi agresivo y ta resulta mortal pa e colonia di coralnan y asina ta afecta e calidad di nos bida marino den e region. 

Den e relato aki DNM ta desea di splica kico e malesa aki ta haci cu coralnan, con e a manifesta na Boneiro, con e ta transmiti y kico nos por haci pa prevencion asina yuda mitiga e problema.

Kico e malesa SCTLD ta haci?

Stony Coral Tissue Loss Disease ta destrui e tehido suave cu ta cubri e coral y por afecta 30 sorto di coralnan cu ta existi den bida marino cu ta esunnan cu ta forma y crece nos rifnan. Ora cu e malesa ataca e coral e resultado por ta uno fatal, ya cu e por mata un colonia di coral den apenas algun siman of lunanan di keda infecta. E por afecta diferente coral na un manera severo. Ta  considera SCTLD e malesa di mas peligroso y mortal di e malesanan di coral y e ta manifesta hopi lihe. No mester confundi e malesa aki cu coral bleaching, esaki ta dos fenomeno diferente.

Ta di remarca cu ta casi un aña pasa cu Boneiro a publica tocante e malesa y e contagio cu ta existi den Caribe y Florida. E tempo ey STINAPA a menciona den nan webinar cu ainda no a encontra coralnan cu e malesa na e isla pero cu na Aruba si tin un caso unda ta sospecha contagio. Aruba mes no a haya e notificacion di e alerta aki. Na aña 2021 Boneiro a prepara tambe un plan pa e posibel yegada di e malesa den forma di prevencion pa asina mitiga e problemanan cu por surgi. E organisacion cu ta maneha e parke marino na Boneiro, STINAPA, a publica un relato alertando comunidad y hunto cu ayudo di DCNA a tuma algun decision pa mitiga e problema. Nan a alerta e bishitantenan con na mester haci uzo di e parke marino pero esaki tawata inevitabel y e malesa a manifesta na dos localidad di buceo. Despues di a conduci investigacion riba 22 y 23 di juli ultimo Boneiro a laga cera dos localidad di bucoeo, uno ta Karpata y e otro ta La Dania’s Leap, tur esaki ta consecuencia di presencia di e malesa SCTLD. 

Con e malesa ta transmiti?

E malesa por wordo transmiti den e awa contamina cu e malesa manera por ehempel den e “ballast water” den barconan grandi di carga. Ballast water ta e awa cu ta ser uza pa asina e barco ta keda den balans ora e ta descarga peso. Tambe e malesa por penetra na ekiponan di buceo (dive gear) of di snorkel cu ta uza den awanan cu ta contene e malesa.

Kico por haci pa preveni transmision y mitiga e problema?

Ta recomenda dos cos; desinfecta ekipo di buceo y tambe alerta autoridadnan si ta tuma nota di fenomeno sospechoso riba e coralnan. Pa e prome paso di desinfecta e ekipo ta recomenda pa pone ekipo den awa potabel cu ta contene 1% di bleach solucion y pa ekipo sensitivo por laga esakinan sinta pa 10 minuut den desinfectante apropia pa e ekipo. Mester laga e ekipo seca prome cu ta transporte y uza esaki den otro awanan por ehempel na un otro sitio cu no ta contene e malesa.

Informa autoridadnan cu ta maneha parke marino di Aruba (Fundacion Parke Nacional Arikok) y tambe DNM. Si bo ripara coralnan straño of sospechoso purba saca un potret di esakinan y mand’e pa nos na [email protected] Tambe nos ta pidi pa inclui e fecha, localidad (dive site), e profundidad, un nomber y number contacto y tambe e informacion di e fotografo. Si por duna nos e autorisacion pa uza e potret pa asina inclui den investigacionan pa yuda preveni contagio di SCTLD den nos awanan na Aruba. 

Locual DNM ta haya importante ta e deteccion den un fase mas trempan asina nos por tuma accion pa mitiga e problema. Haci nada no ta un opcion, pasobra esaki lo nifica perdida di cantidad di coral. 

DNM ta keda pendiente specialmente di e scolnan di buceo, buceadonan, piscadonan y centronan di actividad di buceo pa cualkier informacion. Por haya e informacion cu nos a compila for di Boneiro riba e pagina di STINAPA. Tambe nan a realisa un webinar hopi informativo riba e topico di e malesa di Stony Coral Tissue Loss Disease na 2021 y esaki tambe por hay’e riba nan Youtube channel y DNM lo comparti esaki riba nos medionan social tambe.

  • Total Finance a inaugura su di tres sucursal den bario di Paradera

    Total Finance a inaugura su di tres sucursal den bario di Paradera

    (ADVERTORIAL)

  • DOW: Debi na awacero, rotonde Palm Beach lo keda cla completo otro siman

    DOW: Debi na awacero, rotonde Palm Beach lo keda cla completo otro siman

    PALM BEACH – Despues cu DOW a anuncia cu pa dia 23 di september 2022 e rotonde di Palm Beach lo a keda cla completamente, awor esaki ta bira dia 5 di October 2022. NoticiaCla a raporta esaki caba comienso di siman, esta cu e rotonde no a keda cla completo. Pero e motibo no tabata cla. E motibo pa e retraso tabata awacero. “ Pa motibo di awacero contratisa Arubaanse Wegenbouw Maatschappij a pidi pa pospone e fecha y diaranson dia 5 di oktober 2022 habri e rotonde completamente” DOW a bisa diabierna.

  • DVG ta introduci vacuna Bivalent como COVID Boostershot pa tur 12+

    DVG ta introduci vacuna Bivalent como COVID Boostershot pa tur 12+

    ORANJESTAD – Departamento di Salud (DVG) a informa e siman aki cu nan ta introduci vacuna Bivalent como COVID Boostershot pa tur 12+. Segun DVG, epandemia cu mas impacto a haci riba comunidad ta parce di ta tras di lomba y vacunacion sigur a hunga un rol hopi imporante den esaki. Apesar cu casonan di COVID na Aruba actualmente ta bon controla, Aruba mester keda vigila y tene cuenta cu posibel subida den casonan di COVID-19 yegando fin di aña. Esaki diferente profecionalnan ta pensa cu lo por bay pasa, pa cual motibo DVG den colaboracion cu Hulanda a dicidi pa introduci cambio den maneho y cuminsa cu preparacionnan nesesario pa reduci edad di e segundo boostershot di 60 aña pa 12 aña. Y na mes momento cuminsa cu un rond ripititivo di vacunacion pa tur 60+ pa logra e.o. proteha esnan mas vulnerabel y tambe preveni un peso grandi riba nos sistema di cuido medico y seguro di malesa. 

  • Open Doors ta bek: Conoce e cushina di McDonald’s Aruba

    Open Doors ta bek: Conoce e cushina di McDonald’s Aruba

    (ADVERTORIAL)

  • Tempo instabil den zona a genera varios hos riba laman awe

    Tempo instabil den zona a genera varios hos riba laman awe

    PALM BEACH – Diahuebs mainta, e situacion di tempo tabata di tal forma cu esaki a genera algun hos riba laman, pero bon bisto for di tera. Riba e hotel strip di Palm Beach esaki tabata bon bisto y den careda di 10'or y mei por a nota varios di e hosnan. For di varios dia caba e stuacion di tempo ta instabil cu ta pone cu e islanan ABC ta haya retonan interesante. Corsou p.e. tabatin un anochi yena cu strena cu lamper, y Aruba basta awacero varios caminda. 

  • Richard Frank (VWI) ta cuestiona varios asunto di Utilities NV den NoticiaCla LIVE

    Richard Frank (VWI) ta cuestiona varios asunto di Utilities NV den NoticiaCla LIVE

    ORANJESTAD – E presidente di e asosacion VWI (Vereniging van Werknemers met een Individuele Arbeidsovereenkomst in dienst van de Water- en Energiebedrijf Aruba (W.E.B.) N.V.), Ir. Richard Frank ta invitado den e programa NoticiaCla LIVE diahuebs anochi. Durante e programa aki, e presidente di VWI lo trata temanan manera e proceso di destaho publico riba molina di biento, credibilidad di director di Utilities NV y mucho mas. Tambe kico ta pasa si sigui cu e plan pa cumpra fuel oil for di Venezuela. No perde e programa aki sigur cu ta cuminsa pa 9’or awe nochi riba plataformanan di NoticiaCla esta Facebook, e website (check e button LIVE) y e app tambe (e button LIVE). 

  • Powered by SETAR