Wardacosta a intercepta mas cu 400 kilo di droga riba boto pa Aruba

ORANJESTAD - Diabierna ront di 04:00 Wardacosta a detecta moveshon sospechoso di un boto riba laman cu tabata rumbo pa Aruba. Mesora e Maritime Operations Center a dirigi e Metal Shark di Aruba pa bai wak e boto. Hunto cu Metal Shark, helikòpter di wardacosta tambe a sali pa assistí. Despues di un persecucíon extenso, i tironan di advertencia, metalshark ta logra interceptá e boto. Abordo tabatin 5 homber di cual 2 ta nacionalidad Venezolano, 2 Dominicano i un Colombiano. Riba e boto tabatin diferente bulto di droga cual despues di investigacíon a resultá di ta pisa mas o menos 400 kilo. E droga a wòrdo confiscá i e 5 personanan a wordo detení i trasladá pa departamento di Crimen Organisá pendiente di mas investigacíon. E droga a wòrdo destruí.NOTA: E texto ta traha den Papiamento fonetico di Corsou.