Aruba ta cay venci atrobe na Honduras, e biaha aki contra El Salvador

Posted on 06/22/2022 11:12 am AST | Updated on 06/22/2022 11:22 am AST

TEGUCIGALPA – Despues cu Aruba a wordo golea pa Panama algun dia prome cu score di 5-0, Aruba un biaha mas a cay venci pero e biaha aki door di El Salvador cu score di 4-1. E wega a tuma lugar diamars atardi na Honduras, unda cu e hungadornan Jonathan Esquivel, y Eduardo Rives a hinca un gol cada un y Javier Mariona a hinca 2. Pa Aruba Terrick Monsanto a hinca e unico gol. 

  • AVB a ricibi bishita di FIFA, den cuadro di mehoracion infrastructura di clubnan di futbol

    AVB a ricibi bishita   di FIFA, den cuadro di mehoracion infrastructura di clubnan di futbol

    ORANJESTAD - Recientemente Sr. Jordan Victoire, cu ta e FIFA Development Officer pa e region di Caribe, a haci un bishita na Aruba. E meta di e bishita tawata pa por discuti algun asunto operacional concerni cu desaroyo di Aruba como miembro di FIFA den cuadro di e FIFA FORWARD PROGRAM pa e ciclo 2023-2026, pero tambe pa presencia e progreso di stadion Guillermo Prospero Trinidad caminda pronto Aruba lo por ta huesped di weganan internacional cu un stadion aproba door di FIFA. Pa AVB ta di suma importancia pa cumpli cu e exigencia aki. Pa motibo cu cumpliendo cu e exigencia aki, FIFA lo release fondonan cu AVB ta bin na remarke p’e. E fondonan aki lo wordo usa pa mehora e infrastructura di futbol en general aki na Aruba. Despues di varios reunionnan cu FIFA, a logra convence FIFA cu mester inverti fondonan den mehoracion di e infrastructura di AVB su clubnan miembro. Durante e bishita e pone esaki tambe den e Contract of Agreed Objectives, cu lo wordo firma entre AVB y FIFA.

  • Den fin di siman a tuma lugar aprtuar Weganan Escolar 2023

    Den fin di siman a tuma lugar aprtuar Weganan Escolar 2023

    ORANJESTAD - Diabierna ultimo, a tuma luga e apertura di Wegannan Escolar 2023 na Compleho Deportivo Frans Figaroa na Noord. Un proyecto presenta pa Ministerio di Enseñansa y Deporte, IBISA y Gabinete Wever – Croes II. E fiesta deportivo a cuminsa pa 5 or di atardi cu e “warm up jam” dilanti Compleho Deportivo Frans Figaroa na Noord, sigui cu entretenimento di DJ, brassband hunto cu e mascota Wiwi cu a saca potret cu e muchanan.  Tambe pa e muchanan tabatin entretenimento di Dino Jump, cu cantidad di tent di e.o. cuminda, bebida y cotton candy. Pa 6 or di atardi e ceremonia oficial a inicia cu entrada di Grupo di Scouting San Dominicio di Noord cu bandera di Aruba, sigui pa entrada di NGS Brassband, Grupo Multicultural Aruba bou guia di John Freddy Montoya y entrada di e 45 scolnan cu ta participando y mas di 1000 alumno. E show di apertura tabata den man di NLG y NTG bou guia di Sra. Marisol Peña y Gihae Gymnastics. Despues cu Rebecca Jansen a cende e candela escolar, Minister Endy Croes a declara Weganan Escolar 2023 oficialmente habri. Credo di Weganan Escolar a wordo lesa pa e ekipo campeon di volleyball di Weganan Interinsular 2023. E sake di bala cu a tuma luga memey di veld, unda Presidente di Parlamento mr. Edgard Vrolijk, Minister President Evelyn Wever - Croes y Minister Endy Croes a scop e bala y asina duna inicio na e dos simannan di competencia escolar. Despues di e ceremonia di apertura, a sigui cu e partido di futbol entre Scol Basico Washington y Pius X School. E meta di Weganan Escolar Aruba ta pa promove deporte bou di nos alumnonan di scol preparatorio, basico y secundario.  

  • CMB: Stimulando Inclusion y Empoderamento den Deporte pa medio di Beyond Sport Limits Foundation y Ronde Van Aruba

    CMB: Stimulando Inclusion y Empoderamento den Deporte pa medio di Beyond Sport Limits Foundation y Ronde Van Aruba

    (ADVERTORIAL)

  • Xander Bogearts a pasa dia di Mama cu su mama prome biaha desde e la join MLB

    Xander Bogearts a pasa dia di Mama cu su mama prome biaha desde e la join MLB

    SAN DIEGO – E aña aki tabata prome biaha cu e pelotero professional di Aruba Xander Bogaerts a logra celebra Dia di Mama cu su mama atrobe despues di hopi aña. Desde cu e la muda pa San Diego pa hunga cu e ekipo di Padres, cos a bira mas facil. Tempo cu e tabata cu Boston Red Sox, esaki tabata mas dificil. E mama a muda pa San Diego temporalmente pa ta cu su yiu y yude ‘settle in’ eynan. Ora cu e mester a hunga contra Los Angeles Dodgers (cu ta 2 ora so di San Diego) e mama a percura pa ta na e ciudad ey, pa e por a topa cu su yiu.   

  • Lionel Messi ta bandona PSG y ta bay hunga futbol na Arabia Saudita

    Lionel Messi ta bandona PSG y ta bay hunga futbol na Arabia Saudita

    PARIS – E futbolista professional Argentino Lionel Messi ta bandona Paris Saint Germain y ta hunga pa Arabia Saudita den e proximo temporada. E hungador di 35 aña a firma un contracto cu un ekipo segun e agencia di prensa Frances AFP. Te cu juni, Messi ta bou contracto cu Paris. E placa cu Messi por bay gana ta doble di esun cu rival Cristiano Ronaldo ta ganando, esta 200  miyon pa aña y ta papia di cu e por gana te hasta 400 miyon pa aña.  

  • Aruba Hi-Winds ta presenta su di 35 edicion na The Fisherman’s Huts

       Aruba Hi-Winds ta presenta su di 35 edicion na The Fisherman’s Huts

    PALM BEACH - E anticipacion ta grandi pa e di 35 edicion di Aruba Hi-Winds cu lo tuma lugar desde 17 - 22 di mei 2023 na Fisherman’s Huts. Den Caribe, Aruba Hi-Winds orguyosamente ta e evento cu tin mas hopi tempo ta wordo organisa, cu un comision organisatorio solido cu ta boga pa sostene y sigi engrandece e diferente deportenan (acuatico). Durante e decadanan, Aruba Hi-Winds a crece di un competencia di windsurfing bastante chikito, pa un evento completo yena cu entusiasmo y adrenalina riba awa y tera. E organisacion ta sumamente agradecido na e sosten di nan partners Successfully Caribbean, Amstel Bright, Aruba Tourism Authority, Vader Piet Wind Park y CXPay.

  • Powered by SETAR