- AZV: Otro luna tin traspaso automatico di clientenan di dokter Vink pa HOED Piedra Plat
- SETAR a tene su Avigilon ALTA Launch Event cu enfoke riba e futuro di seguridad
- Grupo grandi di ex studiante tin problema pa paga nan Duo lening bek
- CBS: Bestaansminimum a subi atrobe na Aruba debi na aumento di gasto di cuminda
- Figaroa: Proximo gobierno mester consisti di solamente vakministers
Trahadonan di Arubus a protesta awe mainta
ORANJESTAD – Trahadonan di e compania di transporte publico Arubus a bay den accion diaranson mainta, aunke nan ta yame un ‘reunion extraordinario’ durante ora di trabou. E motibo segun e sindicato SEPPA, ta cu gerencia ta hungando un wega cu nan pa loke ta reunionan pa trata e.o. structura salarial di e trahadonan. Ora cu a tende cu un reunion yama pa awe mainta door di mediador a keda cancela atrobe, (director segun SEPPA a cancela varios reunion) e trahadonan a bisa cu ta basta y a dicidi di reuni mainta durante ora di trabou pa mustra nan malcontento. E sindicato su representante Edmundo Marlin ta bisa cu ta un reunion extraordinario unda cu ta splica trahadonan e situaciona actual. A bisa cu e structura salarial ta pega pa 7 aña caba y e trahadonan ta cansa di e manipulacionan. Director ta sconde tras di hunta, y ora cu hunta a keda apunta, asina mes tabata sigui manipula y cancela reunion. E awa a pasa hariña y awe e trahadonan a para pafo.
AZV: Otro luna tin traspaso automatico di clientenan di dokter Vink pa HOED Piedra Plat
Grupo grandi di ex studiante tin problema pa paga nan Duo lening bek
ORANJESTAD – Mas cu mitar di studiantenan local (Aruba) cu a studia usando e prestamo escolar ‘Dienst Uitvoering Onderwijs voor studenten en scholieren’, conoci como DUO, tin problema pa paga esaki bek , ta paga menos cu nan mester paga, of mas pio, no ta paga nada bek mes. E grupo aki ta sigui ta un problema segun representante di DUO, Marit Verbogt manera cu e la splica diahuebs den e programa Noticiacla LIVE. Si tin mas of menos 4000 ex studiante cu tin cu paga bek, y ta algo di mas di mitar tin e problema, por deduci cu e cantidad aki ta mas cu 2 mil studiante local. Verbogt ta splica kico e situacion ta, den e video adhunto. E siman aki e representantenan ta na Aruba te cu otro siman diabierna pa atende cu e grupo aki y tambe studiantenan cu kier un beca via DUO. Nan por acudi na e centro John F Kennedy durante oranan specifico cu ta ubica riba e pagina di FB di nan y tambe e portal di DUO.
DVG: A cuminsa hospitalisa hende localmente infecta cu Dengue
ORANJESTAD – E situacion di Dengue na Aruba ta birando mas alarmante. Diahuebs Departamento di Salud Publico a informa cu a cuminsa hospitalisa hende cu ta infecta cu Dengue. Ta trata di 2 persona. Un di e personanan aki ta bek na cas, y e otro ta sigui interna cu complicacionnan serio debi na Dengue. Por a verifica cu ningun di e personanan aki a biaha recientemente, indicando cu ta trata aki di dos caso di Dengue di transmision local. DVG ta informa tambe cu ta observando mas caso cu ta di spera – of cu ta normal – pa e temporada aki.
Conocido ciudadano y ex director di KIA Ben King a haya despedida impresionante
DEA: Cabesante y docentenan ta sigui prepara pa introduci Papiamento na scolnan basico
ORANJESTAD - Entrante augustus 2024 e alumno di klas 1 lo siña lesa y skirbi na Papiamento. A organisa un trayecto di preparacion pa asina ekipa e cabesante y e maestro di klas 1 di scolnan basico (basisschool) cu e hermentnan necesario pa por implementa e parti aki di e maneho nobo di idioma den scol.
A.T.A.: Por Mira Documentario Blue Lizard Effect via nos Planta Nacional TeleAruba
ORANJESTAD - Entrante 18 di april 2024, pa 9or di anochi via TeleAruba, Aruba completo lo por cuminsa presencia e serie documental ‘Blue Lizard Effect’. Un serie documental revolucionario cu ta profundisa su mes den e mundo fascinante di Aruba, pero di un angulo diferente. E serie ta explora e concepto energetico di felicidad y e conexion profundo cu e cultura, e hende, y naturalesa di e isla.
Follow NoticiaCla
