Setar NV a haya proyecto di camera di seguridad den area hotelero

Posted on 06/21/2022 10:28 am AST | Updated on 06/21/2022 10:28 am AST

ORANJESTAD – E siman aki durante un conferencia di prensa na oficina di Setar Seroe Blanco, Minister di Husticia   Sr. Rocco Tjon, a firma e Ministeriële Beschikking (MB) pa otorga na Setar NV e proyecto di  camara di siguridad den area hotelero. Esaki den presencia di Director di Setar N.V. Sr. Roland Croes. 

Segun e mandatario, Setar tawata un escogencia logico pa e proyecto aki, mirando cu den pasado intentonan a wordo haci pa por cristalisa e tipo di proyectonan aki, pero nunca a wordo concretisa por completo. Semper tawata tin cierto retonan pa concretisa un proyecto asina, y ora a wak e “track record” di Setar caminda ya caba a ehecuta tipo di proyectonan asina, exitosamente, pa companianan di magnitud manera Aeropuerto, e decision tawata logico pa bay di acuerdo cu e oferta cu a ricibi di Setar. 

E proyecto aki ta uno cu por keda amplia riba dje, y te cu awo lo conta cu un total di tres fase, e prome fase ta e instalacion di e sistema di camara y for di Ministerio di Husticia y Asuntonan Social ta planiando pa fase dos y tres pa asina practicamente na tur localidad strategico na Aruba por tin e camaranan aki instala. Banda di esaki, na comienso di Juli, Ministerio di Husticia di e proyecto aki, pa motibo cu e proyecto aki lo conta cu un trayecto di seis pa shete luna. Es decir, e comision aki lo keda monitorea e proceso, pa asina percura cu e ehecucion ta uno exitoso. Na mes momento e comison aki hunto cu Setar lo traha hunto, pa asina cu fase un ta completamente ehecuta por sigui mesora pa fase dos y consecuentemente pa fase tres. 

Mientras e proyecto aki ta wordo ehecuta, ambos huristanan di Ministerio di Husticia   conhuntamente cu huristanan di Setar N.V. lo sigui delibera pa yega na un “service level agreement”, cual ta hopi importante, pa asina garantisa cu e proyecto aki lo por keda haya mantencion, dado caso un camara of un part daña, esaki por wordo reemplasa of drecha mesora. 

 Pa finalisa, Ministerio di Husticia ta den combersacion cu Ministerio di Turismo y Salubridad Publico, pa un otro parti importante, cual ta e borchinan cu lo bay wordo instala den e area hotelero, pa anuncia cu e area lo ta bou di vigilancia di camara, y na mes momento tambe lo percura pa “infomercials” wordo saca, pa asinaconscientisa pueblo di Aruba en general cu e area ta bou di vigilancia. E comision lo keda encarga tambe pa bin cu un proposicion pa asina evalua con e imagennan aki ta bay wordo vigila y con esaki ta bay wordo comparti tambe cu e unidadnan pa despues por reacciona tambe ora cu algo wordo capta riba e camaranan aki. A haci un evaluacion cu otro paisnan den exterior, pa cu e parti di vigilancia di e camaranan, y a opta pa otro organisacionnan of fundacionnan cu tin e autoridad cu ta mara na diferente regla lo bay keda encarga cu esaki, pa di e forma aki por percura cu nos agentenan policial por sigui ehecuta nan core business. 

 

 

  • Noticiacla.com ta cumpli 8 aña di existencia awe!

    Noticiacla.com ta cumpli 8 aña di existencia awe!

    Awe Noticiacla.com ta cumpli 8 aña di existencia, cu ta motibo pa su cas editorial Wired Media ta hopi contento y orguyoso. Contento di por a yega e ‘milestone’ aki. Un aña mas di a informa y educa, crea un plataforma di nivel for di cual informacion confiabel ta wordo transmiti diariamente.  Un idea 8 aña pasa cu a transforma den un producto balioso cu awendia ta wordo considera como un di e fuentenan mas importante y confiabel di noticia local y regional. Ta momento pa celebra berdad, pero mas importante, reflecciona y wak con nos a yega aki, unda nos ta y porta mas importante ainda, unda nos ta bayendo. E punto mas importante semper, ta di gradici nos creador, tambe ABO, e siguidor, y ABO cu ta e sosten comercial danki na cual nos por a y ta y lo sigui produci loke nos ta produci cu hopi amor. Manera tur producto, semper lo tin caminda pa mehoracion, y esey ta keda e rason pa sigui padilanti y mehora cada dia mas, den diferente forma. Un gradicimento na e miles di usuario cu a, ta y ojala lo sigui usa e Plataforma aki pa ricibi nan informacion cu ta necesario pa desaroyo di nan mes. Un palabra di gradicimento di curazon. Masha masha danki, y cu boso sosten, nos lo sigui padilanti, pa asina yega aña number 9. 

  • Aruba ta elimina seguro obligatorio di Covid-19 pa bishitantenan

    Aruba ta elimina seguro obligatorio di Covid-19 pa bishitantenan

    ORANJESTAD – Oficina di turismo a informa diabierna atardi cu Aruba ta elimina seguro obligatorio de Covid-19 pa bishitantenan. Nan a recorda cu na juli 2020, Aruba a habri su frontera bek pa bishitantenan di Estados Unidos y a inicia cu e Aruba Visitors Insurance. Esaki tawata un innovacion den medio di pandemia, cu a wordo sigui despues pa otro destinonan. E seguro aki tawata obligatorio pa tur bishitante y di e forma aki a sigura cu tur caso di turista cu a test positivo durante nan estadia por a conta entre otro riba cobertura di acomodacion pa isola, transporte, test di covid y gastonan di dokter, hospital y ICU.  

  • SETAR: Ultimo dia pa haci cambio pa Buki Telefon 2023 ta 30 di juli 2022

    SETAR: Ultimo dia pa haci cambio pa Buki Telefon 2023 ta 30 di juli 2022

    (ADVERTORIAL)

  • SIMAR: Aumento di tarifa di awa di WEB ta un baño di awa friu

    SIMAR: Aumento di tarifa di awa di WEB ta un baño di awa friu

    ORANJESTAD – Sindicato di maestro SIMAR ta considera e anuncio di aumento di tarifa di WEB como un baño di awa friu, y a manda nan preocupacion pa prome minister Evelyn Wever Croes diahuebs atardi mes. Den e carta nan ta splica nan preocupacion y desaprobacion di e loke a sosode.  E noticia pa miembronan di e sindicato, a bin como un sorpresa total, y cu ta haci nan situacion financiero aun mas fastioso, banda di e recorte salarial. A comparti cu varios miembro ainda tin problema tur luna pa cera placa pa por cubri nan gastonan. Ademas nan tin duda ainda cu enberdad luna di juli 2022 lo nan haya e recuperacion manera priminti di e 5% di salario. “Nos ta en espera ainda di e decision definitivo di e recuperacion di 5% di salario” e presidente di sindicato ta bisa. A recorda cu awa ta un necesidad basico y primario y cu esaki lo aumenta e problemanan social den enseñansa. Acerca a bin e problema di luna di mei y juli di aumento drastico di gasoline, cu ta limita e mobilidad di varios miembro. 

  • Ministerio Publico ta habri bek riba diabierna

    Ministerio Publico ta habri bek riba diabierna

    ORANJESTAD – Ministerio Publico ta habri desde diabierna prome di juli 2022 normalmente desde 08.00 or di mainta. Asina vocero di e departamento, Ann Angela a bisa diahuebs. Manera ta conoci e departamento tambe a cera diaranson debi na e menasa di mal tempo. Tur afspraak pa busca e carta di buena conducta (vog) a wordo posponi pa diamars 5 di juli 2022. Por mantene e orario riba bo invitacion.

  • Analisis: 'Si bo a rabia cu ayera nada no a pasa...'

    Analisis: 'Si bo a rabia cu ayera nada no a pasa...'

    Si bo ta rabia cu ayera ‘nada’ no a pasa, y cu bo a gasta boshi placa cumpra yen di cos extra ‘pornada’, pensa cu awe e headline por tabata diferente. E por tabata “Islanan ABC destrosa pa tormenta Bonnie, hopi destruccion, famianan perdi, etc etc”. Awe bo ta lanta, contento cu bo propiedad ta unda e ta ainda, y cu bo tin un dia mas pa biba. E placa cu bo a gasta ayera, ta nada, compara cu loke bo por ta tin na gasto extra awe, si e mal tempo a pasa manera cu e tabata poni pa pasa. Un colega di prensa na Corsou ayera ainda ta conta con Thomas (un rabo) a lague cu 30 mil na gasto. Awor porta bo a gasta algun shen florin, (cu ta hopi, pero bo mester relativ’e si). Considera ayera un bon training. Corda semper, miho bon prepara, y alerta, cu trankil y sorprendi pa un mal tempo cu ta lagabo cu mas debe (cu bo tin caba) cu nunca. Y porta bo no ta un creente, pero algo a bolbe pone cu nos a scapa di loke por tabata un disaster natural. Be grateful, and move on!  Scirbi pa Tito Laclé.

  • Powered by SETAR