Resultado inicial di examen di Colegio Arubano 2022 tabata menos bon cu 2021

ORANJESTAD – Un total di 149 studiante di HAVO y 69 di VWO a slaag diahuebs na Colegio Arubano (Playa) pa nan examen final. Esaki ta 70y 79% respectivamente. “Esaki ta porcentahenan cu nos por ta orguyoso ariba” e rector Tim Croes a bisa den un carta na tur alumno. Dialuna caba esnan cu no a logra slaag den e prome tanda, ta cuminsa cu nan ‘herkansing, miho conoci como ‘her’. Mientras cu e rector ta contento cu e resultado, esaki ta menos bon cu aña pasa, ora cu 79 % a slaag pa Havo y 89% pa VWO den nan prome intento.