AZV a pone su director financiero riba ‘non-actief’

ORANJESTAD – Seguro Medico General UO AZV a pone su director financiero Jurgen vd Meer riba non-actief diaranson atardi. Entre e motibonan, noticiacla a compronde cu ta friccion cu coleganan di trabou, pa su forma di traha. Ora cu e portal aki a acerca e director Edwin Jacobs pa comentario, su unico comentario breve tabata ‘no comments’. Ayera tardi e trahadonan a keda informa internamente di e decision. Mientrastanto a pone e conocido Fernando Rigaud como su reemplasante. Rigaud tabata un tempo den e funcion ey na hospital Horacio Oduber. 

E CFO

Pa loke ta e CFO, a compronde cu e ta cu e compania pa mitar di su existencia, esta 12 aña di cual 6 aña den directiva y e ultimo 6 aña como e CFO (Chief Financial Officer). Su estilo ta hopi strak y hopi no tabata gusta su forma directo di maneha su departamento. Ademas su pensamento hopi biaha tabata pega cu su coleganan pa cual e no tabata mucho gusta pa su coleganan, segun e portal aki a compronde. Otronan fuera di e organo, di otro banda sinembargo, ta considere un homber corecto, cu tin e interes general di e compania na pecho, y cu semper a wak e interes d e compania. A compronde cu awor a cuminsa cu e proceso di oficialmente 'retira' e CFO actual, y tanten ta pone riba non-actief.