Animal Rights na Corsou a pidi hues pa prohibi transport di cinco dolfijn

WILLEMSTAD.- Organisashon Animal Rights Nederland djadumingu último a entamá un huisio sumario kontra Curaçao Dolphin Academy I Curaçao Public Aquarium. E kaso a wòrdu trata djaweps dia 2 di yüni na Kòrsou. E organisashon hulandes no ta di akuerdo ku Kòrsou ke transportá sinku dòlfein na Arabia-Saudita.

Segun Animal Rights e transporte lo tin un impakto hopi negativo riba e sinku dòlfein. I pa kolmo e dòlfeinnan Serena, Machu, Mosa, Sami I Luna na Arabia-Suadita lo no keda den awa di laman, manera na Kòrsou. Pero den un pisina grandi ku awa di kloro ku ta hopi malu pa salu e dòlfeinnan. Animal Rights ke evitá ku e dòlfeinnan tin ku biba den situashon hopi malu mei mei den un desierto. E organisashon pa bienestar di bestia a keda representá dor di abogado Bertie Braam.

Curaçao Dolphin Academy I Curaçao Public Aquarium a keda representá dor di abogadonan Mirto Murray I Karan Doekhi. Nan ta bisa ku e ponensia di Animal Rights, ku e organisashon ke bende e dòlfeinnan pa haña ganashi, no ta korekto. Segun e abogadonan e parke di dòlfein awor tin demasiado dòlfein, spesialmente dòlfein maskulino hoben. E situashon no ta bon pa e bestianan, segun abogado Murray I Doekhi, pasobra dòlfein maskulino hoben tin tendensia pa bringa hopi ku otro.

Banda di esei nan ta atmití ku situashon finansiero di Dolphin Academy ta difísil komo konsekuensia di pandemia di corona. Pero segun nan, e biahe lo no tin niun efekto malu pa e bestianan.

Animal Rights a pidi wes pa prohibí ku Curaçao Dolphin Acadey por transportá e sinku dòlfein na e siudat Jeddah na Arabia-Saudita. Segun nan papel I permit pa transpòrt no ta na òrdu tampoko. Abogadonan di e parke ta enfatisá ku tur papel I permit ta kla I ku e biahe lo benefisiá e dòlfeinnan. Wes lo duna veredikto den un siman: djaweps 9 di Yüni. NOTA: Texto a wordo scirbi den Papiamento fonetico di Corsou.