Tormenta formando ainda nort di Cozumel, direccion Florida

MIAMI - E disturbio situa 200 km nort di Cozumel Mexico, ainda no a forma den un tormenta, segun National Hurricane Center di Miami, pero ta mustra cu esaki lo por bira e caso awe. Ya caba, anticipando esaki, a traha un cono di movesion indicando con e tormenta unabez forma, lo cana. Awe mainta e tabata ubica 200 km nort di Cozumel, y tabata moviendo cu un velocidad di 65 km pa ora, de direccion nort oost. Si e logra bira un tormenta, e lo haya e nomber Alex. E temporada aki di horcan cu a inicia diaranson, lo ta uno feroz atrobe cu mas tormenta pronostica cu normal, danki na e fenomeno di tempo La Niña, cu ta calenta e awa den e region, cu ta haci esaki fertil pa creacion di tormenta y horcan.