Apenas temporada di horcan a cuminsa, y ya tin un sistema serio den Golfo

MIAMI – Apenas temporada di horcan a cuminsa pa e aña aki, y tin un sistema di tempo cu ta wordo vigila cu por bira e prome depresion tropical of un tormenta tropical segun National Hurricane Center. Manera cu e portal aki a raporta caba, ta anticipa un temporada feroz di horcan e aña aki, mas cu anterior debi na e situacion climatologico den e region, causa pa e fenomeno di La Niña, cu ta calenta e awanan y hacie fertil pa desaroyo di ciclon tropical. E sistema actual ta situa cerca di e peninsula di Yucatan y e Golfo di Mexico. E ta mustra di por desaroya dentro di dos dia y move direccion nortoost cu ta trece den cercania di Florida, Estados Unidos pa diaberna anochi. E chens pa e desaroya den 2 dia ta halto, esta 90%. Si e bira un tormenta, esaki lo wordo yama  Alex.