Na Corsou, polis ta investigando crimen; muhe morto den plas di sanger

WILLEMSTAD - Otro kaso di krímen a sosodé ayera nochi na momentu ku polisnan a yega topa un dama den un plas di sanger drumi. Na momentu ku ambulans a yega na e sitio, no por a hasi nada. A yama dòkter di polis ku a yega i konstatá morto di e dama.

Un persona a mèldu algu promé ku 11 or ayera nochi ku patras di un snèk situá riba Kaminda Venancio F. Isenia na Montanja Rei tin un dama drumí den plas di sanger i no ta duna señal di bida. E snèk su parti patras ta keda den un kurá di kas.

E dama tabatin herida na su kabes.

Segun bosero di polis sr. Imro Zwerwer, tur kos ta indiká na promé instante ku ta trata di un krímen.

No sa ku a atraká e dama ora e tabata bai sera e negoshi òf algu otro por a pasa ku a kita e dama su bida.

E tim di investigashon di polis TFO ta hasi investigashon p’asina determiná kiko a pasa eksaktamente. NOTA: E texto ta scirbi den Papiamento fonetico di Corsou.