Aruba ta bira scenario pa filmacion di pelicula Hulandes estilo Top Gun

ORANJESTAD – E zomer aki, Aruba ta bira un di e scenarionan pa filmacion di un pelicula Hulandes estilo ‘Topgun’, pero di Hulanda. E pelicula titula ‘Invasie’, ta trata ora cu di sorpresa tanto Aruba como Corsou wordo invadi. Mientras cu politicamente ta busca un solucion pa e conflicto, tres marinier Hulandes den entrenamiento ta actua pa evita un desaster. E pelicula aki por haci pa marina Hulandes, loke Topgun a haci pa esun Mericano, segun productornan di Dutch Filmworks. E protagonistanan lo ta Tarikh Janssen, Jasha Rudge, Gijs Blom, Ortál Vriend, Fedja van Huêt y Gijs Scholten van Aschat. E pelicula ta wordo traha cu cooperacion di Marina Real Hulandes cu ta sostene e logistica y material. Na 2023 lo presenta e pelicula na cinema Hulandes. No ta conoci ainda si e pelicula lo pasa na Aruba tambe.