Maduro: No ta confia palabra di gobierno riba recorte salarial

Maduro: No ta confia palabra di gobierno riba recorte salarial

Posted on 05/20/2022 11:35 am AST | Updated on 05/20/2022 11:36 am AST

ORANJESTAD – E cinco sindicatonan cu ta bay protesta diamars awor contra un serie di asunto, incluyendo e recorte di salario, no ta confia palabra di gobierno (lesa:prome minster Wever Croes), pero ta kere den hechos. Asina e vocero di e grupo, presidente di sindicato SADA Eduard Maduro a bisa durante un conferencia di prensa diabierna mainta. E conferencia tabata pa hala atencion pa e marcha, pero mientrastanto a bira conoci cu gobierno tabata trahando duro pa elimina 5%. Y algun rato despues, mientras cu ainda e conferencia di sindicatonan tabata andando, prome minister den un tipo di boletin extra di gobierno, a anuncia cu Aruba a yega na acuerdo cu Hulanda pa kita e recorte di 5%. Segun Maduro, reaccionando riba e mensahe di diahuebs anochi di prome minister cu nan ‘ta haciendo lo maximo pa elimina e recortenan’, diripiente awor cu ta bay anuncia marcha, gobierno ta cora haci e anuncio aki. Y esey e ta haya un falta di respet. Nan kier algo preto riba blanco pa por confia cualkier declaracion haci. Ademas, e marcha no ta solamente pa e recorte pero pa mas asunto cu tin preocupante. Tambe a sigura cu e marcha no ta viola e sentencia di hues cu no por protesta pa e recorte, pasobra den e anuncio, ningun momento ta papia algo di e recorte. NOTA: E potret ta uno di archivo di noticiacla di un conferencia anterior di e sindicatonan. 

  • Total Finance a inaugura su di tres sucursal den bario di Paradera

    Total Finance a inaugura su di tres sucursal den bario di Paradera

    (ADVERTORIAL)

  • DOW: Debi na awacero, rotonde Palm Beach lo keda cla completo otro siman

    DOW: Debi na awacero, rotonde Palm Beach lo keda cla completo otro siman

    PALM BEACH – Despues cu DOW a anuncia cu pa dia 23 di september 2022 e rotonde di Palm Beach lo a keda cla completamente, awor esaki ta bira dia 5 di October 2022. NoticiaCla a raporta esaki caba comienso di siman, esta cu e rotonde no a keda cla completo. Pero e motibo no tabata cla. E motibo pa e retraso tabata awacero. “ Pa motibo di awacero contratisa Arubaanse Wegenbouw Maatschappij a pidi pa pospone e fecha y diaranson dia 5 di oktober 2022 habri e rotonde completamente” DOW a bisa diabierna.

  • DVG ta introduci vacuna Bivalent como COVID Boostershot pa tur 12+

    DVG ta introduci vacuna Bivalent como COVID Boostershot pa tur 12+

    ORANJESTAD – Departamento di Salud (DVG) a informa e siman aki cu nan ta introduci vacuna Bivalent como COVID Boostershot pa tur 12+. Segun DVG, epandemia cu mas impacto a haci riba comunidad ta parce di ta tras di lomba y vacunacion sigur a hunga un rol hopi imporante den esaki. Apesar cu casonan di COVID na Aruba actualmente ta bon controla, Aruba mester keda vigila y tene cuenta cu posibel subida den casonan di COVID-19 yegando fin di aña. Esaki diferente profecionalnan ta pensa cu lo por bay pasa, pa cual motibo DVG den colaboracion cu Hulanda a dicidi pa introduci cambio den maneho y cuminsa cu preparacionnan nesesario pa reduci edad di e segundo boostershot di 60 aña pa 12 aña. Y na mes momento cuminsa cu un rond ripititivo di vacunacion pa tur 60+ pa logra e.o. proteha esnan mas vulnerabel y tambe preveni un peso grandi riba nos sistema di cuido medico y seguro di malesa. 

  • Open Doors ta bek: Conoce e cushina di McDonald’s Aruba

    Open Doors ta bek: Conoce e cushina di McDonald’s Aruba

    (ADVERTORIAL)

  • Tempo instabil den zona a genera varios hos riba laman awe

    Tempo instabil den zona a genera varios hos riba laman awe

    PALM BEACH – Diahuebs mainta, e situacion di tempo tabata di tal forma cu esaki a genera algun hos riba laman, pero bon bisto for di tera. Riba e hotel strip di Palm Beach esaki tabata bon bisto y den careda di 10'or y mei por a nota varios di e hosnan. For di varios dia caba e stuacion di tempo ta instabil cu ta pone cu e islanan ABC ta haya retonan interesante. Corsou p.e. tabatin un anochi yena cu strena cu lamper, y Aruba basta awacero varios caminda. 

  • Richard Frank (VWI) ta cuestiona varios asunto di Utilities NV den NoticiaCla LIVE

    Richard Frank (VWI) ta cuestiona varios asunto di Utilities NV den NoticiaCla LIVE

    ORANJESTAD – E presidente di e asosacion VWI (Vereniging van Werknemers met een Individuele Arbeidsovereenkomst in dienst van de Water- en Energiebedrijf Aruba (W.E.B.) N.V.), Ir. Richard Frank ta invitado den e programa NoticiaCla LIVE diahuebs anochi. Durante e programa aki, e presidente di VWI lo trata temanan manera e proceso di destaho publico riba molina di biento, credibilidad di director di Utilities NV y mucho mas. Tambe kico ta pasa si sigui cu e plan pa cumpra fuel oil for di Venezuela. No perde e programa aki sigur cu ta cuminsa pa 9’or awe nochi riba plataformanan di NoticiaCla esta Facebook, e website (check e button LIVE) y e app tambe (e button LIVE). 

  • Powered by SETAR