Pandemia tabatin su debido efecto riba e cifras di AZV den 2021

Pandemia tabatin su debido efecto riba e cifras di AZV den 2021

Posted on 05/19/2022 4:26 pm AST | Updated on 05/19/2022 4:32 pm AST

ORANJESTAD – E impacto di e pandemia e ultimo aña sigur tabata grandi riba AZV. Asina director Edwin Jacobs a confirma segun cifranan presenta diahuebs mainta publicamente.  A duna un bista tambe di e entradanan ricibi. Entre nan e entrada na e prima y e impuesto, cu hunto tabata bon pa 40,3 miyon osea un aumento di 10.3% compara cu e presupuesto y un caida compara cu 2020 cu 63.1 miyon osea 17.2%. E gastonan di cuido a cay cu 19.3 miyon osea 4.1% compara cu e presupuesto y compara cu 2020, cu 1.2 miyon osea 0.3%. Gastonan administrativo , incluyendo entrada di interes, a cay cu 1.5 miyon osea 8.3% compara cu e presupuesto y 1.7 miyon compara cu 2020, osea 9%. 

BAZV

Segun e relato financiero, e efectonan di e crisis economico ainda ta bon bisto den e caida significativo di e entrada na BAZV, esta e bestemmingsheffing, introduci na 2014. E entrada di BAZV tabata 35.9 miyon osea un aumento di 23.8% compara cu e presupuesto, y compara cu 2020 a aumenta 42.4 miyon osea 29.3%. E positivo tabata e ayudo di sosten financiero manera FASE y MKB y bon di cuminda cu a conduci na extra entrada di BAZV. 

COSTO DI SALUD

E costo di salud a disminui cu 19.3 miyon of 4.1% compara cu e presupuesto y compara cu 2020, cu 1.2 miyon osea 0.3%. Den e tabel di costo di salud, por a nota un desviacion significante den cierto postnan, manera hospitalisacion y cuido, Imsan, y mas gasto di COVID19, compara cu otro gastonan cu a keda stabil. Por wak e rapport completo AKI. Potret cortesia Telearuba. 

  • Awe nochi parlamentario Benny Sevinger ta invitado di NoticiaCla LIVE

    Awe nochi parlamentario Benny Sevinger ta invitado di NoticiaCla LIVE

    ORANJESTAD – Awe nochi ex minister y actual parlamentario pa partido AVP, Benny Sevinger ta invitado di e programa Noticiacla LIVE cu ta cuminsa pa 9’or pm. Durante e programa aki cu lo ta en bibo, e parlamentario lo contesta preguntanan riba e ultimo desaroyo cu ta envolve su supuesto envolvimento den e caso penal Avestruz y su situacion legal cu e ta aden. Manera ta conoci, e caso ta uno andando y ta continua otro siman dialuna den corte, den e tanda final. Mester bisa cu sr Sevinger a opta pa participa den e programa y e intencion ta pa e ta presente en vivo pa asina por contesta pregunta di e moderador y periodista Tito Lacle y unda cu pueblo tambe por manda pregunta via facebook y posiblemente haya contesta. E programa ta pasa riba Facebook di Noticiacla, e website www.noticiacla.com (check e boton LIVE) y e app tambe (busca e boton LIVE). No lubida, pa 9’or awe nochi!

  • Botica di Servicio y FTA a cera nan di dos CAO

    Botica di Servicio y FTA a cera nan di dos CAO

    ORANJESTAD - Awe merdia Federacion di Trahadornan di Aruba (FTA) y Boticanan di Servicio a firma nan di dos contrato colectivo di trabao (CAO). Den e acuerdo aki e enfoke principal tawata fortificacion di e poder di compra di e empleado, cual a resulta den tanto un aumento porcentual di salario pa e duracion di e acuerdo como tambe un ahuste na e structura di salario, ampliando esaki pa asina tin mas espacio pa crece. Ademas a acorda un aumento anual di e bonus di fin di aña como tambe e dianan di vakantie. E CAO tin un duracion di 4 aña.

  • Hyro Oduber a gana competencia di “plane spotting” na Aeropuerto

    Hyro Oduber a gana competencia di “plane spotting” na Aeropuerto

    ORANJESTAD – Recientemente   Aruba Airport Authority N.V. (AAA)  a organisa su di tres “Spotter’s Day”. Desde 2018, Aeropuerto di Aruba a reconoce cu tin un interes grandi pa “plane spotting” na nos isla. Mas y mas spotter ta ‘tag’ Aeropuerto di Aruba den nan potret y pa e motibo ey, na 2018, a tuma luga e prome “Spotter’s Day”. Debi na e interes grandi ricibi, a dicidi cu “Spotter’s Day” lo bira un evento anual pa Aeropuerto di Aruba. Despues di dos aña ausente, e aña ‘ki a invita tur spotters pa asina aplica pa participa na Spotters Day. 

  • Ex-gerente di CHTA Education Foundation a haci presentacion na varios supervisor den turismo

    Ex-gerente di CHTA Education Foundation a haci presentacion na varios supervisor den turismo

    ORANJESTAD -  E asosacion conoci como Aruba Timeshare Association (ASA) su iniciativa di entrenamiento rond e isla, presenta pa CHTA Education Foundation, a haya un   sorpresa riba recientemente ora cu pa medio di Tom Pas cu a pasa un rato pa combersa cu e 24 supervisornan. Pas tabata gerente di Education Foundation entre 2002 cu 2013 y ta pasiona riba su desaroyo personal y yuda otro hende haya un chens pa mehora nan bida profesional.

  • Encuesta di noticiacla tabata dividi riba ley di matrimonio di mesun sexo pa Aruba

    Encuesta di noticiacla tabata dividi riba ley di matrimonio di mesun sexo pa Aruba

    ORANJESTAD – Segun e ultimo encuesta di Noticiacla na luna di augustus di e aña aki, Aruba tabata dividi riba e tema di matrimonio di mesun sexo. Por lo menos entre e 850 personanan cu a participa den e encuesta. Y entre esnan cu tabata pro pa cambia e ley pa permiti matrimonio di mesun sexo, e grupo mas grandi tabata kier pa esaki sosode pa medio di un referendum. Interesante ta cu den e encuesta aki, e participacion di hende muher tabata mas cu e ser masculino, reparti 54% contra 46%. Un 1% tabata registra como ‘otro’. 

  • Autor Evert Bongers a presenta su buki mas nobo na Biblioteca di Aruba

    Autor Evert Bongers a presenta su buki mas nobo na Biblioteca di Aruba

    ORANJESTAD - Evert Bongers, autor di varios publicacion tocante historia di Aruba manera e.o. ‘Augustus scur’ y ‘De kolibrie op de rots: En meer over de geschiedenis van Aruba’ a publica awor su buki titula ‘Goudkoorts! En meer over de geschiedenis van Aruba’. Directora di Biblioteca Nacional Aruba a ricibi algun ehemplar for di sr. Evert Bongers pa e coleccion nacional como tambe e coleccion di biblioteca publico. Pronto por consulta of lesa e buki aki na biblioteca. 

  • Powered by SETAR