- Kes the Band di Trinidad confirma pa Flip Flop Festival na juni!
- DVG: A cuminsa hospitalisa hende localmente infecta cu Dengue
- Minister na Merca ta lobby cu banconan pa fia 160 miyon dollar
- Hulanda dispuesto pa yuda paisnan den Caribe cu asunto di refugiadonan
- WEB Aruba ta firma acuerdo cu Seven Seas Water Group pa construi planta SWRO-3
Na Corsou Hoben (21) a bai defende mama y a tira tata di criansa mata
WILLEMSTAD - Un hoben di 21 aña di edat a keda detené komo sospechoso den un kaso di asesinato di su propio tata di kriansa. Ayera mainta trempan alrededor di seis or, Sentral di Polis a risibí informashon di un kaso di tiramentu ku a tuma lugá na un kas den Kaya Pachi Jan Bakhuis, kaminda un persona a keda seriamente heridá. Djis un ratu despues Sentral a risibí informashon ku e víktima di e tiramentu a yega Sala di Emergensia den un vehíkulo partikular.
For di investigashon preliminar a sali na kla ku un pareha di nashonalidat Hamaikino tabatin un pleitu basta fuerte ku otro. Durante di e pleitu e hòmber lo a agredí su señora i un otro persona lo a lòs tiru dirigí riba e hòmber, ku a alkans’é mortalmente. Despues di esaki esun ku a lòs e tirunan fatal, a kore bai for di e sitio. E pareha mes a kore yega hospital den nan propio outo pa risibí tratamentu médiko. Alrededor di bintisinku pa shete di mainta, dòkter a konstatá morto di e hòmber Duwayne O. Douglas, nase na Jamaica dia 12 di ougùstùs 1976. E hòmber aki ta bira e di 3 kaso di asesinato e aña aki i e di dos kaso den un siman di tempu. Tambe ta mester remarká ku ta trata di e di dos hamaikino ku ta keda asesiná. E promé tabata den Cubaguaweg Buena Vista dia 25 di mart.
Na Poli sinembargo mester a duna e señora tambe tratamentu médiko pa slanan ku e tabatin na su kara. Mas den oranan di atardi, outoridatnan a realisá detenshon di e hòmber di inisial D.D.N. di 21 aña nase na Jamaica. Ta trata di yu di e señora ku e hòmber asesiná a maltratá. E hoben mes a bai entrega na warda di polis na Rio Canario. Investigashon den e kaso aki ta kontinuá i ta supliká testigunan ku tin informashon di loke a sosodé na e kas aki na Kaya Pachi Jan Bakhuis, pa drenta den kontakto ku polis na 917 òf 108. NOTA: E texto ta scirbi den Papiamento fonetico di Corsou.
Hulanda dispuesto pa yuda paisnan den Caribe cu asunto di refugiadonan
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
Cooperacion mas estrecho entre e parti Caribense di Reino y Hulanda riba tereno di enseñansa i investigacion
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
Na Corsou tin 4300 cas di famia sin suministro di awa
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
Na Corsou a sentencia homber Arubiano gara cu 1 kilo y mei di marihuana geplak na barica
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.
Cu un beca Tula, un studiante di Corsou por haci estudio di historia na Hulanda
WILLEMSTAD - Ministernan di Enseñansa Robbert Dijkgraaf (Hulanda) i Sithree van Heydoorn (Kòrsou) den presensia di minister di Edukashon di Aruba, Endy Croes a firma ayera un akuerdo pa instituí e beka Tula. Pa medio di e beka aki un studiante di Kòrsou por hasi un estudio di historia na Hulanda na nivel di “bachelor”.
Conferensia di trabou di SEA pa stimula exito den estudio di studiante Caribense
ORANJESTAD - E di dos konferensia di trabou di SEA a tuma lugá awe i ayera na Kòrsou, unda tur isla di Karibe i Hulanda a partisipá. SEA, òf Aliansa Edukashonal Stratégiko, tin komo meta primario stimulá éksito den estudio i chèns igual pa studiante karibense. Ademas, a presta atenshon tambe na e prioridatnan di e proyekto SEA.
Follow NoticiaCla
