Polis a detene muhe pa denucia falso di atraco

Polis a detene muhe pa denucia falso di atraco

Posted on 05/7/2022 2:29 pm AST | Updated on 05/7/2022 2:30 pm AST

ORANJESTAD - Tawata 25 februari 2022 den oranan di anochi central di polis ta wordo notifica di un atraco cu lo mester a tuma lugar na Gran Suerte cu ta un lugar di loteria situa na Paradera.

Central di polis ta despacha diferente patruya pa e sitio menciona.Na yegada di e prome patruya ta bin topa cu un señora benta abao. E señora ta conta cu un rato prome dos hende lo mester a spray e cu pepper- spray den su cara y a bay cu e tas di plaka.Hasta coleganan di ambulance mester a presenta na e sitio pa atende cu e señora . Awe Atraco Team ariba orden di Ministerio Publico a detene e mesun señora aki di inicialnan: M.J.K. naci na Aruba di 54 añapa a haci un denuncia falso. E sospechoso a wordo hiba dilanti un sub fiscal pendiente di mas investigacion.

  • Sospechoso di intento di asesinato di polis deteni

    Sospechoso di intento di asesinato di polis deteni

    ORANJESTAD - Un rato pasa DAR1 ( Recherche Oranjestad) en conexion cu un investigacion andando a detene pa intento di asesinato e sospechoso di inicialnan J.J A. S. naci na Aruba di 19 aña. 

  • Polis ta topa cu boto pega den mangrove

    Polis ta topa cu boto pega den mangrove

    ORANJESTAD - Durante patruya rutinario, polis a bin encontra cu un boto di buceo “Sea Queen” pega den mangrove na altura di Renaissance Island. Polis maritimo a duna nan un man y a yuda saca e boto aki. Polis maritimo mes a yuda tow e boto menciona pa un pier na altura di Bucutiweg.

  • Sospechoso di intento di asesinato di polis a keda deteni

    Sospechoso di intento di asesinato di polis a keda deteni

    ORANJESTAD - Un rato pasa DAR 2 ( Recherche Noord) en conexion cu e incidente awe madruga caminda cu un polis a fractura su man y a haya basta sla na su curpa, coleganan di DAR 2 pa 09.55 a detene e sospechoso J. K naci na Aruba y cu ta biba na Papaya.

  • Polis a detene 2 persona y confisca hopi droga den un cas na Brazil

    Polis a detene 2 persona y confisca hopi droga den un cas na Brazil

    BRAZIL - En conexion cu un investigacion  andando Project Team Drugspanden a haci entrada hudicial na un cas na Brazil. Aki a detene 2 hende homber di inicialnan:

  • Recherche a detene muher Colombiano pa soborno

    Recherche a detene muher Colombiano pa soborno

    ORANJESTAD - Enconexion cu caso di andando di soborno ( Tuma placa pa regla permiso ) di cual ya den prome siman di april a detene un hende homber di inicialnan R.K. naci na Curacao, ayera recherche Oranjestad a detene den mesun caso e muhe di inicialnan N. B.D. naci na Colombia di 51 aña di edad.

  • Ciclista ta bira di tres morto den trafico na Aruba

    Ciclista ta bira di tres morto den trafico na Aruba

    ORANJESTAD - Diahuebs mainta pa 11:40 central ta wordo notifica di un accidente na rotonde na Ponton entre un truck di Domesa y un ciclista. Na yeganda di patruya a pidi ambulance cu maximo urgencia.Ambulance ta yega na e sitio y ta trata e victima pero lamentablemente no por haci nada mas . Pa 12:25 dr Texier ta constata morto e Franklyn E. DIRKS, naci 25-07-1958 . Polis di trafico y polis technico a presenta y a tuma e investigacion over. Slachtoffer hulp tambe a presenta y duna sosten na e famia di e fayecido. Noticiacla y Cuerpo policial ta manda palabra di condolencia na famia di e fayecido. Potret cortesia Telearuba. 

  • Powered by SETAR