Polis a detene muhe pa denucia falso di atraco

ORANJESTAD - Tawata 25 februari 2022 den oranan di anochi central di polis ta wordo notifica di un atraco cu lo mester a tuma lugar na Gran Suerte cu ta un lugar di loteria situa na Paradera.

Central di polis ta despacha diferente patruya pa e sitio menciona.Na yegada di e prome patruya ta bin topa cu un señora benta abao. E señora ta conta cu un rato prome dos hende lo mester a spray e cu pepper- spray den su cara y a bay cu e tas di plaka.Hasta coleganan di ambulance mester a presenta na e sitio pa atende cu e señora . Awe Atraco Team ariba orden di Ministerio Publico a detene e mesun señora aki di inicialnan: M.J.K. naci na Aruba di 54 añapa a haci un denuncia falso. E sospechoso a wordo hiba dilanti un sub fiscal pendiente di mas investigacion.