Prome dia di IPKO ta mustra cu tin hopi duda ainda den COHO

PHILLIPSBURG – Diaranson atardi participantenan di Reino Hulandes na e reunioin di IPKO a haya un presentacion di ambtenaarnan Hulandes riba e tema di COHO. Durante e session di caso 90 minuut, e miembronan di tur e islanan en cuestion, Aruba, St Maarten, Corsou y hasta Hulanda por a haci pregunta riba e tema. Y for di e cantidad di pregunta, por a nota cu tin basta inquietud ainda for di varios isla.

COHO TA NECESARIO?

Tabata notable cu tabatin basta pregunta cuestionando e necesidad di COHO, indicando cu tin suficiente mechanismo actual pa cual no ta sinti cu COHO no ta necesario. Esnan cu porta tabata mas interesa, tabata St Maarten y Aruba unda cu por a sinti cu varios pregunta a bin. Entre nan, tin miedo cu lo tin mucho metemento interno, y cu COHO no mester ta presente den cierto forma y regula cierto aspecto. Tambe e poder cu COHO tin pa eherce control, a keda basta cuestiona. Y finalmente, manera Aruba a informa e siman aki caba, cu no ta wak e necesidad di COHO, mirando cu mechanismonan actual mes ta percura cu por funciona sin COHO. For di e ambtenaarnan, por conclui cu berdad cu tin cosnan regla aworaki, pero COHO ta simplemente un mechanismo pa sigura cu enberdad, cosnan ta marchando manera cu mester ta y den e tempo aloca. Esaki, debi cu posiblemente no tin e confiansa completo cu sin e control aki, varios di e plannan stipula, sea no por tuma lugar, of na tempo of haci manera planea. Despues di e presentacion, a cera e transmission pa despues sigui riba e tema di COHO si, pero den grupo y delibera riba kico a caba di tende y puntra. E reunion di IPKO ta sigui e siguiente dianan na St Maarten.