Ex premier di Corsou ta pidi pueblo yud’e paga 1.8 miyon pa e no bay cera atrobe

WILLEMSTAD – Ex prome minister di Corsou Gerrit Schotte den fin di siman a haci un apelacion publico pa yuda paga su debe miyonario cu e tin. Den un video, e ta splica cu e tin apenas 10 dia mas pa e sera e suma di 1.850.000,= florin, sino e tin cu bay cera atrobe den prison pa 3 aña. Como cu e no a logra cera e cen, e la haci un yamada pa simpatisantenan yuda paga esaki pe. A calcula cu si 100 hende yuda, nan por paga 18 mil y e ta cera e suma. Si 200 persona yuda, y paga 9 mil florin, nan ta cera e suma. Di parti di ministerio publico, a bisa cu ta ofrece areglo di pago, pero e mester ta un suma rasonabel, relaciona cu e suma en cuestion. P.e. Pa un suma di 1 miyon, no por bay paga 1000 florin pa luna pasobra ni den 100 aña lo termina di paga. Y no ta trabou di OM pa sinta cobra hende pa bida largo pa paga e suma.