Wever: Gobierno di Aruba por logra surplus di 1% na 2024 envez di 2023

ORANJESTAD – Gobierno di Aruba no ta kere cu ta logra cumpli cu deseo di e colegio di supervision financiero CAft pa tin un surplus di 1% (50 miyon florin) otro aña caba. Asina prome minister Evelyn Wever a informa prensa dialuna durante un conferencia di prensa. E mandatario ta kere cu e ta posibel pero pa e presupuesto di 2024. E ta compronde e pensamento di CAft cu ta sali di punto di bista cu na 2019 esaki a keda logra, pero a mustra cu esey tabata e tempo ey, pero debi na e situacion actual di pandemia, e no por. ‘E ta dificil” Wever a bisa, pa logra pa otro aña.